നൈസിലെ പള്ളിക്കുള്ളിൽ നടന്ന ഭീകരാക്രമണം ഉൾപ്പെടെ ഫ്രാൻസിൽ അടുത്തിടെ നടന്ന ഭീകരാക്രമണങ്ങളെ പ്രധാനമന്ത്രി നരേന്ദ്രമോദി ശക്തമായി അപലപിച്ചു. തീവ്രവാദത്തിനെതിരായ പോരാട്ടത്തിൽ ഇന്ത്യ ഫ്രാൻസിനൊപ്പം ആണെന്നും മോദി പറഞ്ഞു.
വ്യാഴാഴ്ച നൈസ് നഗരത്തിലെ പള്ളിയിൽ അക്രമി കത്തി ഉപയോഗിച്ച് മൂന്ന് പേരെ കൊലപ്പെടുത്തുകയായിരുന്നു.
“നൈസിലെ പള്ളിക്കുള്ളിൽ നടന്ന ഇന്നത്തെ ഭീകരാക്രമണം ഉൾപ്പെടെ ഫ്രാൻസിൽ അടുത്തിടെ നടന്ന ഭീകരാക്രമണങ്ങളെ ഞാൻ ശക്തമായി അപലപിക്കുന്നു,” പ്രധാനമന്ത്രി മോദി ട്വീറ്റ് ചെയ്തു.
“കൊല്ലപ്പെട്ടവരുടെ കുടുംബങ്ങൾക്കും ഫ്രാൻസിലെ ജനങ്ങൾക്കും ഞങ്ങളുടെ അഗാധവും ആത്മാർത്ഥവുമായ അനുശോചനം. ഭീകരതയ്‌ക്കെതിരായ പോരാട്ടത്തിൽ ഇന്ത്യ ഫ്രാൻസിനൊപ്പം നിൽക്കുന്നു,” മോദി പറഞ്ഞു.