രാഷ്ട്രീയപ്രവേശനത്തിനു നിര്‍ണായക നീക്കവുമായി ഉലകനായകന്‍. തമിഴകം പിടിക്കാനായി കമല്‍ഹാസന്‍ സംസ്ഥാനപര്യടനം പ്രഖ്യാപിച്ചു. തമിഴ്‌നാട് യാത്ര ഈ മാസം 26 നു ആരംഭിക്കുമെന്നു താരം വ്യക്തമാക്കി. താരത്തിന്റെ യാത്ര തമിഴ്‌നാട് സര്‍ക്കാരിന്റെ അഴിമതി ഭരണത്തിനു കൊുകാര്യസ്ഥതയ്ക്കും എതിരെയാണ്. മുമ്പ് അഴിമതിയെ സംബന്ധിച്ച വിവരങ്ങള്‍ പങ്കുവയ്ക്കാനും ജനങ്ങളുമായി ആശയവിനിയമം നടത്താനുമായി താരം പുതിയ മൊബൈല്‍ ആപ്പ് അവതരിപ്പിച്ചിരുന്നു.
കമല്‍ഹാസന്‍ പുരസ്‌കാരം ദാന ചടങ്ങിന്റെ വേദിയില്‍ വച്ചായിരുന്നു യാത്രയുടെ പ്രഖ്യാപനം നടത്തിയത്. ഇനി യാത്ര സംബന്ധിച്ച മുഴുവന്‍ വിവരങ്ങളും തമിഴ് വാരികയായ അനന്ദ വികടന്റെ പുതിയ പതിപ്പില്‍ കാണുമെന്നു താരം വ്യക്തമാക്കി.
63 ാം പിറന്നാള്‍ ആഘോഷ വേദിയിലായിരുന്നു താരം ആപ്പ് അവതരിപ്പിച്ചത്. അന്നു പാര്‍ട്ടി പ്രഖ്യാപനം നടത്തുമെന്നാണ് പലരും വിചാരിച്ചത്. പക്ഷേ താരം പറഞ്ഞത് ഇനിയും ഒരുപാട് കാര്യങ്ങള്‍ മനസിലാക്കണമെന്നായിരുന്നു. ഇതിന്റെ തുടര്‍ച്ചയായിട്ടാണ് പുതിയ യാത്രയെന്നാണ് പ്രതീക്ഷിക്കുന്നത്.
Read more
നേരെത്ത സൂപ്പര്‍ താരം രജനികാന്തും രാഷ്ട്രീയ പ്രവേശനം പ്രഖ്യാപിരുന്നു. ചെന്നൈയില്‍ നടന്ന ആരാധകസംഗമത്തിലായിരുന്നു രജനീകാന്ത് തന്റെ രാഷ്ട്രീയപ്രവേശനവിഷയത്തില്‍ നിര്‍ണായക തീരുമാനം പ്രാഖ്യാപിച്ചത്. രാഷ്ട്രീയത്തില്‍ പ്രവേശിക്കാനുള്ള തീരുമാനം ജനങ്ങളോടുള്ള കടപ്പാട് മൂലമെന്നും രജനി പറഞ്ഞിരുന്നു.
