Connect with us
https://southlive.in/wp-content/uploads/2018/08/728-x-90-pix.jpg

NATIONAL

കര്‍ണാടകയില്‍ അങ്കംകുറിച്ച് കോണ്‍ഗ്രസ്; ഗവര്‍ണര്‍ക്കെതിരെ നിയമ പോരാട്ടം; ഉടന്‍ സുപ്രീം കോടതി ചീഫ് ജസ്റ്റിസിനെ കാണും

, 10:42 pm

കര്‍ണാടകയില്‍ സര്‍ക്കാരുണ്ടാക്കാന്‍ ബിഎസ് യെദ്യൂരപ്പയെ ഗവര്‍ണര്‍ ക്ഷണിച്ച തീരുമാനത്തിനെതിരെ നിയമ നടപടിയുമായി മുന്നോട്ടു പോകുമെന്ന് കോണ്‍ഗ്രസ്. ഗവര്‍ണര്‍ ഭരണഘടനയും നിയമവുമാണ് പിന്തുടരേണ്ടതെന്ന് പി ചിദംബരം പറഞ്ഞു. കോണ്‍ഗ്രസ് നേതൃത്വം ഇക്കാര്യമുന്നയിച്ച് ഹര്‍ജി നല്‍കുന്നതോടൊപ്പം ഉടന്‍ സുപ്രീം കോടതി ചീഫ് ജസ്റ്റിസിനെയും കാണുമെന്നും അദേഹം അറിയിച്ചു. ഗവര്‍ണര്‍ ബിജെപിയുടെ ശിങ്കിടിയാണെന്നും കോണ്‍ഗ്രസ് ആരോപിച്ചു.

കര്‍ണാടകയില്‍ ബിജെപി നേതാവ് യെദ്യൂരപ്പയെ സര്‍ക്കാരുണ്ടാക്കാന്‍ ക്ഷണിച്ച ഗവര്‍ണറുടെ വാജുഭായ് വാല ഗവര്‍ണര്‍ പദവിക്ക് അപമാനമുണ്ടാക്കി. ഗവര്‍ണര്‍ ഭരണഘടനയെ കശാപ്പ് ചെയ്തു. നാളെ സത്യപ്രതിജ്ഞ ചെയ്യുന്നത് നിയമവിരുദ്ധ സര്‍ക്കാരാണെന്നും കോണ്‍ഗ്രസ് നേതാക്കള്‍ ആരോപിച്ചു.

15 ദിവസത്തിനുള്ളില്‍ ഭൂരിപക്ഷം തെളിയിക്കണമെന്നാണ് യെദ്യൂരപ്പയ്ക്ക് ഗവര്‍ണര്‍ വാജുഭായ് നിര്‍ദേശം നല്‍കിയിരിക്കുന്നത്. ഇതോടെ കന്നഡ നാട്ടില്‍ അരങ്ങേറിയ രാഷ്ട്രീയ നാടകങ്ങള്‍ക്ക് നിര്‍ണായക ഘട്ടത്തില്‍ എത്തി.

നാളെ രാവിലെ ഒമ്പതിന് യെദ്യൂരപ്പയുടെ നേതൃത്വത്തിലുള്ള ബിജെപി സര്‍ക്കാര്‍ സത്യപ്രതിജ്ഞ ചെയ്യും. ഏറ്റവും വലിയ ഒറ്റകക്ഷിയെ ക്ഷണിക്കാമെന്ന് ഗവര്‍ണര്‍ക്ക് നിയമോപദേശം ലഭിച്ചതിന്റെ അടിസ്ഥാനത്തിലാണ് തീരുമാനം. രാജ് ഭവനിലാണ് സത്യപ്രതിജ്ഞ നടക്കുക.

Advertisement