കോയമ്പത്തൂരില്‍ ബീഫ് കഴിക്കുമെന്ന് വെല്ലുവിളിച്ച് ഫേസ്ബുക്കില്‍ പോസ്റ്റിട്ട യുവാവിനെ പൊലീസ് അറസ്റ്റ് ചെയ്തു. ഹിന്ദു മക്കള്‍ കക്ഷി നേതാവിനെയാണ് യുവാവ് വെല്ലുവിളിച്ചത്. ബീഫ് കഴിക്കുമെന്നും സാധിക്കുമെങ്കില്‍ തന്നെ ആക്രമിക്കൂവെന്നുമായിരുന്നു യുവാവ് ഫെയ്‌സ്ബുക്ക് പോസ്റ്റിട്ടത്.
ദ്രാവിഡര്‍ വിടുതലൈ കഴകം പ്രവര്‍ത്തകനായ നിര്‍മ്മല്‍ കുമാറിനെയാണ് ശനിയാഴ്ച, സാമുദായിക സ്പര്‍ദ്ധയുണ്ടാക്കാന്‍ ശ്രമിച്ചെന്ന് ആരോപിച്ച് അറസ്റ്റ് ചെയ്തത്.
Read more
ജൂലൈ 12 നായിരുന്നു പോസ്റ്റിട്ടത്. ഹിന്ദു മക്കള്‍ കക്ഷി പ്രസിഡന്റ് അര്‍ജുന്‍ സംപതിനോട് ബീഫ് കഴിക്കുമെന്നും തന്നെ സാധിക്കുമെങ്കില്‍ മര്‍ദ്ദിക്കൂവെന്നും യുവാവ് വെല്ലുവിളിച്ചു. ബീഫ് സൂപ്പ് കഴിച്ചതിന് നാഗപട്ടണത്ത് യുവാവ് ആക്രമിക്കപ്പെട്ട സംഭവത്തിന്റെ പശ്ചാത്തലത്തിലായിരുന്നു വെല്ലുവിളി. നിര്‍മ്മല്‍ കുമാറിനെ ആഗസ്റ്റ് ഒന്‍പത് വരെ റിമാന്റ് ചെയ്തു.
