ഡല്‍ഹിയില്‍ പ്രായപൂര്‍ത്തിയാകാത്ത പെണ്‍കുട്ടിയെ ബലാത്സംഗത്തിന് ശേഷം മെട്രോ സ്‌റ്റേഷന് സമീപം ഉപേക്ഷിച്ച് കടന്നുകളഞ്ഞ പ്രതിയെ പൊലീസ് പിടികൂടി. സാമൂഹ്യമാധ്യമത്തിലൂടെ പരിചയപ്പെട്ട സുഹൃത്താണ് പെണ്‍കുട്ടിയെ പീഡനത്തിന് ഇരയാക്കിയത്. സാഗര്‍പൂരിലെ ഡബ്രി മെട്രോ സ്‌റ്റേഷന് സമീപത്ത് നിന്നാണ് പെണ്‍കുട്ടിയെ അബോധാവസ്ഥയില്‍ കണ്ടെത്തിയത്.
ബലാത്സംഗത്തിന് ശേഷം പ്രതി പെണ്‍കുട്ടിയെ ക്രൂരമായി മര്‍ദ്ദിച്ചതായും പൊലീസ് പറയുന്നു. പൊലീസ് കസ്റ്റഡിയിലെടുത്ത പ്രതിയും പ്രായപൂര്‍ത്തിയാകാത്ത ആളാണ്. സാമൂഹ്യമാധ്യമത്തിലൂടെ പരിചയപ്പെട്ട ഇരുവരും നിരന്തരം ചാറ്റ് ചെയ്തിരുന്നു. പെണ്‍കുട്ടി സുഹൃത്തിനെ നേരില്‍ കാണാനെത്തിയപ്പോഴാണ് പ്രതി മര്‍ദ്ദിക്കുകയും പീഡിപ്പിക്കുകയും ചെയ്തത്.
Read more
പീഡനത്തിന് ശേഷം ഓട്ടോറിക്ഷയിലാണ് പ്രതി പെണ്‍കുട്ടിയെ വീട്ടിലെത്തിക്കാന്‍ ശ്രമിച്ചത്. വഴിയരികില്‍ അബോധാവസ്ഥയില്‍ കാണപ്പെട്ട സമീപവാസിയാണ് പെണ്‍കുട്ടിയെ ആശുപത്രിയിലെത്തിച്ചത്. തുടര്‍ന്ന് പെണ്‍കുട്ടി നല്‍കിയ വിവരങ്ങളുടെ അടിസ്ഥാനത്തില്‍ വീട്ടുകാരെ വിവരം അറിയിക്കുകയായിരുന്നു.
