Connect with us

NATIONAL

ഹിന്ദുക്കള്‍ ന്യൂനപക്ഷമായ സംസ്ഥാനങ്ങളിലെ സംവരണാവകാശം: നിയമ കമ്മീഷനോട് അഭിപ്രായം ആരാഞ്ഞ് ന്യൂനപക്ഷ കമ്മീഷന്‍

, 3:07 pm

ഹിന്ദുമത വിശ്വാസികള്‍ക്ക് ന്യൂനപക്ഷ പദവി നല്‍കണമെന്ന ആവശ്യത്തില്‍ നിയമ കമ്മീഷനോട് അഭിപ്രായം ആരാഞ്ഞ് ന്യൂനപക്ഷ കമ്മീഷന്‍. ഇന്ത്യയിലെ എട്ട് സംസ്ഥാനങ്ങളില്‍ ഹിന്ദുക്കള്‍ ന്യൂനപക്ഷമാണെന്ന് ചൂണ്ടിക്കാട്ടി അവിടങ്ങളില്‍ ന്യൂനപക്ഷ പദവി നല്‍കണമെന്ന ആവശ്യം ഉയര്‍ന്നതിനേ തുടര്‍ന്നാണ് ന്യൂനപക്ഷ കമ്മീഷന്റെ നടപടി.

2011ലെ സെന്‍സസ് പ്രകാരം ഹിന്ദുക്കളുടെ ജനസംഖ്യ മിസോറാം(2.75) നാഗാലാന്റ്(8.75) മേഘാലയ(11.53), കശ്മീര്‍(28.44 ) അരുണാചല്‍ പ്രദേശ്(29), മണിപ്പൂര്‍ (31.39) ,
പഞ്ചാബ്(38.4) എന്നിങ്ങനെയാണ്. കേന്ദ്രഭരണ പ്രദേശമായ ലക്ഷദ്വീപിലെ ഹിന്ദുക്കളുടെ ജനംസംഖ്യ 2.5 ശതമാനവുമാണ്. അതിനാല്‍ ഈ സംസ്ഥാനങ്ങളില്‍ ഹിന്ദുവിഭാഗത്തിനെ ന്യൂനപക്ഷ വിഭാഗമായി പ്രഖ്യാപിക്കണമെന്നാണ് ഹര്‍ജി ആവശ്യപ്പെട്ടിരുന്നത്.
ഹിന്ദുവിഭാഗത്തിന് ന്യൂനപക്ഷ പദവി നല്‍കി നിയമം അനുശാസിക്കുന്ന ആനുകൂല്യങ്ങള്‍ അനുവദിക്കണമെന്നാവശ്യപ്പെട്ട് ഡല്‍ഹിയില്‍ നിന്നുള്ള
ബിജെപി നേതാവും അഭിഭാഷകനുമായ അശ്വിനി കുമാര്‍ ഉപാധ്യായ സുപ്രീം കോടതിയെ സമീപിച്ചിരുന്നു.
ഇത്തരം കാര്യത്തില്‍ തീരുമാനമെടുക്കാനുള്ള അധികാരം ന്യൂനപക്ഷ കമ്മീഷനാണെന്നും.
സുപ്രീം കോടതിയ്ക്ക് അതിനുള്ള അധികാരമില്ലെന്നും ചൂണ്ടിക്കാട്ടി കോടതി ഹര്‍ജി പരിഗണിക്കാന്‍ വിസമ്മതിച്ചു.
നിയമ കമ്മീഷന്റെ ഉപദേശംതേടിയാണ് വിഷയം കമ്മീഷന് കൈമാറിയിരിയ്ക്കുന്നതെന്ന ന്യൂനപക്ഷ കമ്മീഷന്‍ ചെയര്‍മാന്‍ ഖയറൂള്‍ ഹസന്‍ റിസ്വി പറഞ്ഞു.

നേരത്തെ കേരളത്തിലെ അഞ്ച് ദേവസ്വം ബോര്‍ഡുകളിലേക്ക് കേരള ദേവസ്വം ബോര്‍ഡ് റിക്രൂട്ട്‌മെന്റ് മുഖേന നടത്തുന്ന നിയമനങ്ങളില്‍ മുന്നോക്ക സമുദായങ്ങളിലെ പാവപ്പെട്ടവര്‍ക്ക്
പത്ത് ശതമാനം സംവരണം നല്‍കാന്‍ മന്ത്രിസഭായോഗം തീരുമാനിച്ചത് ഏറെ വിവാദത്തിനിടയാക്കിയിരുന്നു.
മുന്നോക്ക വിഭാഗങ്ങളിലെ പാവപ്പെട്ടവര്‍ക്ക് വേണ്ടി രാജ്യത്ത് ഇത് ആദ്യമായാണ് സംവരണം ഏര്‍പ്പെടുത്തുന്നത്.
സംവരണം നിര്‍ത്തലാക്കണമെന്ന ആര്‍.എസ്.എസിന്റേയും, 2024 ഓടെ ന്യൂനപക്ഷ, പിന്നോക്ക, ദളിത്,ആദിവാസി സംവരണം പരിപൂര്‍ണമായും അവസാനിപ്പിക്കുമെന്നും ഇന്ത്യന്‍ ബ്രാഹ്മണര്‍ ആവശ്യപ്പെട്ടുകൊണ്ടിരിക്കുന്ന സാമ്പത്തിക സംവരണം നടപ്പിലാക്കാന്‍ ഭരണഘടന തന്നെ മാറ്റിയെഴുതണമെന്ന് പ്രഖ്യാപിക്കുന്ന സംഘപരിവാര്‍ രാഷ്ട്രീയ അജണ്ടയോടാണ് കേരളത്തിലെ ഇടത് പക്ഷ സര്‍ക്കാര്‍ സഖ്യം ചേര്‍ന്നിരിക്കുന്നത് എന്നായിരുന്നു ഉയര്‍ന്നു വന്ന പ്രധാന ആക്ഷേപം.

ഈ പശ്ചാത്തലത്തില്‍ ഈ സംസ്ഥാനങ്ങളിലെ ഹിന്ദുക്കള്‍ക്ക് ന്യൂനപക്ഷ പദവി നല്‍കുമോയെന്നത് രാജ്യം ഏറെ പ്രാധാന്യത്തോടുകൂടിയാണ് നോക്കിക്കാണുന്നത്.