പ്രധാനമന്ത്രി നരേന്ദ്ര മോദിക്കെതിരെ ആഞ്ഞടിച്ച് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. മോദി രാജ്യത്തെ വിഭജിച്ചുവെന്ന് രാഹുല്‍ പറഞ്ഞു. കണ്ണൂരില്‍ നടത്തിയ പത്രസമ്മേളനത്തിലാണ് രാഹുല്‍ ഇക്കാര്യം വ്യക്തമാക്കിയത്. കേരളത്തിലെ തിരഞ്ഞെടുപ്പ് പ്രചാരണത്തിന്റെ ഭാഗമായിട്ടാണ് രാഹുല്‍ കണ്ണൂരിലെത്തിയത്.
ഈ ലോക്‌സഭ തിരഞ്ഞെടുപ്പിനെ മൂന്നു കാര്യങ്ങള്‍ സ്വാധീനിക്കുമെന്ന് രാഹുല്‍ അഭിപ്രായപ്പെട്ടു. കാര്‍ഷിക പ്രതിസന്ധി, അഴിമതി, സാമ്പത്തിക മേഖലയുടെ തകര്‍ച്ച എന്നിവ തിരഞ്ഞെടുപ്പില്‍ ചര്‍ച്ചയാകും. എല്ലാവിധ ആക്രമണങ്ങള്‍ക്കും കോണ്‍ഗ്രസ് എതിരാണെന്ന് അദ്ദേഹം കൂട്ടിച്ചേര്‍ത്തു
റാഫേല്‍ പരാമര്‍ശത്തില്‍ സുപ്രീം കോടതി രാഹുലിന് നോട്ടീസ് അയച്ച സംഭവത്തെ കുറിച്ച് മാധ്യമപ്രവര്‍ത്തകര്‍ ചോദിച്ചപ്പോള്‍ വിഷയം പഠിച്ചു വരികയാണെന്ന് കോണ്‍ഗ്രസ് അധ്യക്ഷന്‍ അഭിപ്രായപ്പെട്ടു.