രാജ്യത്ത് ഏറ്റവുമധികം കൊറോണ വൈറസ് കേസുകളുള്ള ഏഴ് സംസ്ഥാനങ്ങളിലെ മുഖ്യമന്ത്രിമാരുമായി വീഡിയോ കോൺഫറൻസിലൂടെ പ്രധാനമന്ത്രി നരേന്ദ്രമോദി കൂടിക്കാഴ്ച നടത്തുന്നു.
മഹാരാഷ്ട്ര, ആന്ധ്രാപ്രദേശ്, കർണാടക, ഉത്തർപ്രദേശ്, തമിഴ്‌നാട്, ഡൽഹി, പഞ്ചാബ് എന്നിവയാണ് ഈ സംസ്ഥാനങ്ങൾ. രാജ്യത്ത് സജീവമായ കേസുകളിൽ 63 ശതമാനവും ഈ ഏഴ് സംസ്ഥാനങ്ങളിലാണ് കേന്ദ്രീകരിച്ചിരിക്കുന്നതെന്ന് വാർത്താ ഏജൻസി പിടിഐ റിപ്പോർട്ട് ചെയ്തു.
ഈ സംസ്ഥാനങ്ങളിലാണ് മൊത്തം കേസുകളിൽ 65.5 ശതമാനവും മരണ സംഖ്യയുടെ 77 ശതമാനവും. അടുത്തിടെ, ഡൽഹി, പഞ്ചാബ് തുടങ്ങിയ സംസ്ഥാനങ്ങളിലെ കേസുകളിൽ വർദ്ധനയുണ്ടായി. മഹാരാഷ്ട്ര, പഞ്ചാബ്, ഡൽഹി എന്നിവിടങ്ങളിൽ 2.0 ശതമാനത്തിലധികം മരണനിരക്ക് ഉയർന്നതായി അധികൃതർ അറിയിച്ചു.
ഇന്ത്യയിൽ 56.46 ലക്ഷത്തിലധികം കൊറോണ വൈറസ് കേസുകളും 90,000 ത്തിലധികം മരണവും സ്ഥിരീകരിച്ചിരുന്നു. യുഎസിന് ശേഷം ലോകത്തിൽ ഏറ്റവും കൂടുതൽ കോവിഡ് ബാധിച്ച രാജ്യം ഇന്ത്യയാണ്.
പഞ്ചാബ്, ഉത്തർപ്രദേശ് എന്നിവ ഒഴികെയുള്ള ഈ സംസ്ഥാനങ്ങളുടെ പോസിറ്റീവ് നിരക്ക് ദേശീയ ശരാശരിയായ 8.52 ശതമാനത്തിന് മുകളിലാണ്.
12.42 ലക്ഷത്തിലധികം സജീവ കേസുകളും 33,000 ത്തിലധികം മരണവുമുള്ള മഹാരാഷ്ട്ര രാജ്യത്ത് ഏറ്റവും കൂടുതൽ കോവിഡ് ബാധിക്കപ്പെട്ട സംസ്ഥാനമായി തുടരുന്നു.