എക്‌സിറ്റ് പോള്‍ ഫലങ്ങളെല്ലാം ബിജെപി വിജയം പ്രവചിക്കുന്നതിന് പിന്നില്‍ ജനങ്ങള്‍ക്ക് മോദിയിലുള്ള വിശ്വാസമല്ലെന്നും മറിച്ച് പ്രതിപക്ഷത്ത് വിശ്വാസത്തിലെടുക്കാവുന്ന മുഖമില്ലാത്തതാണ് കാരണമെന്നും പ്രമുഖ സെഫോളജിസ്റ്റും സ്വരാജ് ഇന്ത്യ തലവനുമായ യോഗേന്ദ്ര യാദവ്. ഇത് 2019 ല്‍ എന്‍ഡിഎ തിരിച്ചുവരാന്‍ കാരണമായേക്കുമെന്നും അദ്ദേഹം പറഞ്ഞു.
ഉത്തര്‍പ്രദേശില്‍ ബിജെപിയ്ക്ക് വളരെ കുറച്ച് സീറ്റുകളെ ലഭിക്കുകയുള്ളൂ എന്ന പ്രചാരണങ്ങളേയും യാദവ് തള്ളി. നേരത്തെയുള്ള പ്രചാരണം എസ് പി – ബിഎസ്പി സഖ്യത്തിന് വന്‍മേല്‍ക്കൈ ഉണ്ടാകുമെന്നും ബിജെപി യു പി യില്‍ 10 -12 സീറ്റുകളില്‍ ഒതുങ്ങുമെന്നുമായിരുന്നു.
Read more
ഇതിന് സാധ്യതയില്ലെന്നും യോഗേന്ദ്ര യാദവ് പറഞ്ഞു. ഇനി അഥവാ യുപിയില്‍ കുറയുന്ന സീറ്റുകള്‍, കോണ്‍ഗ്രസ് അടുത്ത് പിടിച്ചെടുത്ത സംസ്ഥാനങ്ങളില്‍ നില മെച്ചപ്പെടുത്തുന്നതോടെ പരിഹരിക്കാനാവും. മധ്യപ്രദേശ്, രാജസ്ഥാന്‍, ഛത്തീസ്ഗഢ് തുടങ്ങിയ സംസ്ഥാനങ്ങളില്‍ ബിജെപിയില്‍ നിന്ന് കോണ്‍ഗ്രസ് ഭരണം പിടിച്ചെടുത്തിരുന്നു. പശ്ചിമ ബംഗാളില്‍ ബിജെപി സ്ഥിതി മെച്ചപ്പെടുത്തുമെന്നു യാദവ് കൂട്ടി ചേര്‍ത്തു.
