രാഹുല്‍ ഗാന്ധി കഴിവുള്ള നേതാവാണെന്നും അദ്ധ്യക്ഷ സ്ഥാനത്തേക്ക് തിരിച്ചു വരേണ്ടതാണെന്നും കോണ്‍ഗ്രസ് നേതാവും എം പിയുമായ ശശി തരൂര്‍. കോണ്‍ഗ്രസ് പാര്‍ട്ടി ഇപ്പോഴും ജീവനും സത്തയുമുള്ളതുമാണ്. അന്ത്യ കൂദാശക്ക് സമയമായിട്ടില്ല. മാത്രവുമല്ല പുണ്ണ് മാന്തിയിരിക്കാന്‍ കോണ്‍ഗ്രസിന് ഒട്ടും സമയമില്ല. പെട്ടെന്ന് തന്നെ ഉയര്‍ത്തെഴുന്നേല്‍ക്കേണ്ടത് അത്യാവശ്യമാണെന്നും അദ്ദേഹം പറഞ്ഞു.
പാര്‍ട്ടി ആവശ്യപ്പെടുകയാണെങ്കില്‍ കോണ്‍ഗ്രസിന്റെ ലോക്സഭ കക്ഷി നേതാവാകാന്‍ തയ്യാറാണെന്ന് നേരത്തെ തരൂര്‍ പറഞ്ഞിരുന്നു. രാഹുല്‍ ഗാന്ധിയെ സഹായിക്കുന്നതിന് പ്രാദേശികമായി വര്‍ക്കിംഗ് പ്രസിഡന്റുമാരെ നിയോഗിക്കണം.
ഇന്ത്യയെ വ്യത്യസ്ത മത-ജാതി വിഭാഗങ്ങളും സംസ്‌കാരങ്ങളുമുള്ള ഒരു മതനിരപേക്ഷ രാജ്യമായി വിഭാവനം ചെയ്ത നെഹ്റുവിന്റെ സങ്കല്‍പത്തിനു പകരം ഇന്ത്യയെ ഹിന്ദു രാഷ്ട്രമായി കാണുന്ന ഹിന്ദുത്വ സങ്കല്‍പ്പങ്ങളെ ചോദ്യംചെയ്യാന്‍ കോണ്‍ഗ്രസിനും മറ്റു പ്രതിപക്ഷ പാര്‍ട്ടികള്‍ക്കും സാധിക്കണമെന്നും അദ്ദേഹം പറഞ്ഞു.
