ലൈഗീക പീഡനക്കേസ് പ്രതിയും ബിജെപി സ്ഥാനാർത്ഥിയുമായ പ്രജ്വല്‍ രേവണ്ണ ഇന്ത്യയിലേക്ക് എത്താൻ ടിക്കറ്റ് ബുക്ക് ചെയ്തതായി റിപ്പോർട്ട്. ജര്‍മനിയിലെ മ്യൂണിക്കില്‍ നിന്ന് ബെംഗളൂരുവിലേക്ക് വിമാന ടിക്കറ്റ് ബുക്ക് ചെയ്തതായി ആണ് റിപ്പോര്‍ട്ട്‌.
മെയ് 30-ാം തീയതി ഉച്ചക്ക് 12:30ന് മ്യൂണിക്കിൽ നിന്നുള്ള ലുഫ്താൻസ എയർ വിമാന ടിക്കറ്റാണ് പ്രജ്വൽ ബുക്ക് ചെയ്തതിരിക്കുന്നത്. മെയ് 31 പുലര്‍ച്ചെ 12:00 ഓടുകൂടി പ്രജ്വല്‍ ബംഗളൂരുവില്‍ എത്തിയേക്കുമെന്നാണ് പ്രത്യേക അന്വേഷണ സംഘത്തില്‍ നിന്നുള്ള വിവരം. വിമാനത്താവളത്തത്തിലെത്തിയാല്‍ ഉടന്‍ അറസ്റ്റുണ്ടാകും.
കര്‍ണാടകയിലെ ഹാസനിലെ ബിജെപി സ്ഥാനാര്‍ത്ഥിയും നിലവിലെ എംപിയുമായ പ്രജ്വലിനെതിരെ നിലവില്‍ രണ്ടു ലൈംഗിക അതിക്രമ കേസുകളാണുള്ളത്. പ്രജ്വല കഴിഞ്ഞ ദിവസം ഇറക്കിയ വീഡിയോ സന്ദേശത്തില്‍ മെയ് 31 ന് പ്രത്യേക അന്വേഷണ സംഘത്തിനു മുന്നില്‍ ഹാജരാകുമെന്ന് അറിയിച്ചിരുന്നു. ജര്‍മ്മനിയില്‍ നിന്ന് ബുക്ക് ചെയ്ത വിമാന ടിക്കറ്റ് ഇതിനുമുമ്പ് രണ്ടു തവണ റദ്ദാക്കിയതായും വിവരമുണ്ട്.