ജാർഖണ്ഡിലെ ധന്‍ബാദിലെ സ്വകാര്യ വിദ്യാഭ്യാസ സ്ഥാപനത്തിലെ പ്രിന്‍സിപ്പലിനെതിരെ ഗുരുതര ആരോപണവുമായി വിദ്യാര്‍ത്ഥികളും രക്ഷിതാക്കളും. പെന്‍ ദിനാഘോഷത്തില്‍ പങ്കെടുത്ത 80 ഓളം പെൺകുട്ടികളോട് ഷര്‍ട്ട് ഊരി മാറ്റി ബ്ലെയ്സര്‍ മാത്രം ധരിച്ച് വീട്ടില്‍ പോകാന്‍ നിര്‍ദേശിച്ചത്തിനെതിരെ ആണ് പരാതി.
പത്താം ക്ലാസ് പരീക്ഷ കഴിഞ്ഞതോടെ ആഹ്ലാദപ്രകടനത്തിൽ വിദ്യാർത്ഥികൾ ഷർട്ടുകളിൽ സന്ദേശങ്ങൾ എഴുതിയിരുന്നു. ഇത് കണ്ട പ്രിൻസിപ്പാൾ വിദ്യാർത്ഥിനികളോട് ഷർട്ട് ഊറി മാറ്റി ബ്ലെസറുകൾ മാത്രം ധരിച്ച് വീട്ടിലേക്ക് പോയാൽ മതി എന്ന് നിർദേശിച്ചു. വിദ്യാർത്ഥിനികൾ ക്ഷമാപണം നടത്തിയിട്ടും പ്രിൻസിപ്പൽ അത് കൂട്ടാക്കിയില്ല. കുട്ടികൾ ബ്ലെസറുകൾ ധരിച്ച് വീട്ടിലേക്ക് എത്തിയത് കണ്ട രക്ഷിതാക്കൾ പൊലീസിന് പരാതി നൽകി.
ഒരുപാട് രക്ഷിതാക്കൾ പരാതി നൽകിയിട്ടുണ്ട്. വിഷയം അന്വേഷിക്കാൻ ഒരു കമ്മിറ്റി രൂപീകരിച്ചിട്ടുണ്ടെന്നും പൊലീസ് പറഞ്ഞു. സബ് ഡിവിഷണൽ മജിസ്‌ട്രേറ്റ്, ജില്ലാ വിദ്യാഭ്യാസ ഓഫീസർ, ജില്ലാ സാമൂഹ്യക്ഷേമ ഓഫീസർ, സബ് ഡിവിഷണൽ പോലീസ് ഓഫീസർ എന്നിവർ ഉൾപ്പെടുന്നതാണ് അന്വേഷണ സമിതി.