ഭേദഗതി വരുത്തിയ പൗരത്വ നിയമത്തിൽ പ്രതിഷേധിച്ചും ഭീം ആർമി മേധാവി ചന്ദ്രശേഖർ ആസാദിനെ മോചിപ്പിക്കണമെന്നും ആവശ്യപ്പെട്ട് നൂറുകണക്കിന് ആളുകൾ കൈകെട്ടി പ്രധാനമന്ത്രി നരേന്ദ്ര മോദിയുടെ വസതിയിലേക്ക് മാർച്ച് നടത്തി.
കനത്ത സുരക്ഷാ ക്രമീകരണത്തിനും ഡ്രോൺ നിരീക്ഷണത്തിനും ഇടയിൽ, ഭീം ആർമി അംഗങ്ങൾ ഉൾപ്പെടെയുള്ള പ്രതിഷേധക്കാർ ദേശീയ തലസ്ഥാനത്തെ ജോർ ബാഗിലെ ദർഗാ ഷാ-ഇ-മർദാനിൽ നിന്ന് ലോക് കല്യാൺ മാർഗിലെ പ്രധാനമന്ത്രിയുടെ വസതിയിലേക്ക് മാർച്ച് ആരംഭിച്ചു ഈ മാർച്ച് വഴിക്ക് വച്ച് പൊലീസ് തടഞ്ഞു.
അക്രമത്തിനും തീകൊളുത്തലിനും തങ്ങളെ കുറ്റപ്പെടുത്താതിരിക്കാനാണ് കൈകൾ കെട്ടി മാർച്ചിൽ പങ്കെടുത്തതെന്നു പ്രതിഷേധക്കാർ പറഞ്ഞു.
