പൗരത്വ നിയമ ഭേദഗതിയെച്ചൊല്ലി കോൺഗ്രസ് നേതാവ് രാഹുൽ ഗാന്ധിയും അഖിലേന്ത്യാ മജ്‌ലിസ് ഇ-ഇറ്റെഹാദുൽ മുസ്‌ലിമീൻ നേതാവ് (എ.ഐ.എം.ഐ.എം) അസദുദ്ദീൻ ഒവൈസിയും ഇന്ത്യയെ ഭിന്നിപ്പിക്കാൻ ശ്രമിക്കുകയാണെന്ന് കേന്ദ്രമന്ത്രി ഗിരിരാജ് സിംഗ് ആരോപിച്ചു. ഇരു നേതാക്കളും രാജ്യത്ത് ആഭ്യന്തരയുദ്ധം ഉണ്ടാക്കാനാണ് ശ്രമിക്കുന്നത് എന്നും ഗിരിരാജ് സിംഗ് പറഞ്ഞു.
മുഗളർക്കും ബ്രിട്ടീഷുകാർക്കും ചെയ്യാൻ കഴിയാത്തത് ചെയ്യാൻ രാഹുൽ ഗാന്ധി, അസദുദ്ദീൻ ഒവൈസി, “തുക്ഡെ-തുക്ഡെ” സംഘം എന്നിവർ ആഗ്രഹിക്കുന്നുവെന്ന് ഗിരിരാജ് സിംഗ് പറഞ്ഞു.