ഹോട്ടലിലെ മെനു കാർഡിൽ കോൺഗ്രസ് അധ്യക്ഷൻ രാഹുൽ ഗാന്ധിയുടെ പേര് ഇടം നേടിയതിൽ പ്രതിഷേധിച്ച് കോൺഗ്രസ് പ്രവർത്തകർ. ഉത്തർപ്രദേശിലെ ഇറ്റാവയിലെ സിവിൽ ലൈൻ പ്രദേശത്തെ ഹോട്ടലിലാണ് രാഹുൽ ഗാന്ധിയുടെ പേര് ദുരുപയോഗം ചെയ്ത സംഭവമുണ്ടായത്.
ഹോട്ടലിലെ ഇറ്റാലിയൻ വിഭവങ്ങളുടെ വിവരവും വിലയും നൽകിയതിന് പൊതുവായാണ് രാഹുൽ ഗാന്ധിയുടെ പേര് നൽകിയത്.’ഇറ്റാലിയൻ രാഹുൽ ഗാന്ധി’ എന്ന തലക്കെട്ടിലാണ് വിഭവങ്ങൾ ചേർത്തിരിക്കുന്നത്
ഇറ്റാലിയൻ പാസ്ത, മെക്‌സികൻ പാസ്ത, ഹാംഗ്ഓവർ പാസ്ത എന്നീ വിഭവങ്ങളാണ് ഈ തലക്കെട്ടിന് താഴെയുള്ളത്. സംഭവം വെെറലായി കോൺഗ്രസ് പ്രവർത്തകർ പ്രതിഷേധം രേഖപ്പെടുത്തി. മെനു കാർഡിൽ നിന്ന് രാഹുൽ ഗാന്ധിയുടെ പേര് ഉടനടി മാറ്റാൻ ഇറ്റാവ ജില്ല കോൺഗ്രസ് കമ്മറ്റി ഹോട്ടൽ ഉടമകളോട് ആവശ്യപ്പെട്ടു.
രാഹുലിന്റെ പേര് പിൻവലിച്ച് മാപ്പ് പറയണം. അല്ലെങ്കിൽ പ്രക്ഷോഭം നേരിടണമെന്നാണ് കോൺഗ്രസ് നേതാക്കൾ ആവശ്യപ്പെട്ടത്. നേതാക്കൾ കളക്ട്രേറ്റിലെത്തി വിഷയത്തിൽ നടപടി സ്വീകരിക്കണമെന്ന് പൊലീസിന് പരാതി നൽകി
