ബി.ജെ.പി. തമിഴ്നാട് അധ്യക്ഷന്‍ കെ. അണ്ണാമലൈയ്ക്ക് ഡിഎന്‍എ പരിശോധന നടത്തണമെന്ന് നാം തമിഴര്‍ കക്ഷി നേതാവ് സീമാന്‍. അണ്ണാമലൈ തമിഴനാണോ എന്നറിയാനാണ് ഡിഎന്‍എ പരിശോധന നടത്തേണ്ടത്.
പലവേദികളിലും തമിഴില്‍ സംസാരിക്കുന്നതിനെക്കാള്‍ കന്നഡയിലും ഹിന്ദിയിലും സംസാരിക്കാനാണ് അണ്ണാമലൈക്ക് താത്പര്യം. കര്‍ണാടകയില്‍ ഐപിഎസ് ഓഫീസറായി ജോലിചെയ്യുമ്പോള്‍ തമിഴനാണെന്ന് പറയാന്‍ അണ്ണാമലൈ മടിച്ചിരുന്നുവെന്നും സീമാന്‍ ആരോപിച്ചു.
തമിഴ്നാടിന്റെ താത്പര്യങ്ങളെക്കാള്‍ കര്‍ണാടകയുടെ നന്മയാണ് അണ്ണാമലൈ ആഗ്രഹിക്കുന്നതെന്നും സീമാന്‍ പറഞ്ഞു. ചെന്നൈയില്‍ നടന്ന തിരഞ്ഞെടുപ്പ് പൊതുയോഗത്തെ അഭിസംബോധന ചെയ്യുകയായിരുന്നു അദേഹം.