ഡല്‍ഹിയില്‍ വിമാന യാത്രയ്ക്കിടെ ആറു മാസം പ്രായമായ കുഞ്ഞ് മരിച്ചു. വ്യാഴാഴ്ച രാവിലെ ബിഹാറിലെ പട്‌നയില്‍ നിന്നും ഡല്‍ഹിയിലേക്ക് പോയ സ്‌പൈസ്‌ ജെറ്റ് വിമാനത്തിലാണ് സംഭവമെന്ന് എ.ഐ.എ റിപ്പോര്‍ട്ട് ചെയ്യുന്നു.
ഹൃദയസംബന്ധമായ അസുഖമുള്ള കുഞ്ഞിനെ ചികിത്സക്കായി ഡല്‍ഹിയിലേക്ക് കൊണ്ടുവരികയായിരുന്നുവെന്ന് ഡി.സി.പി സജ്ഞയ് ഭാട്ടിയ വ്യക്തമാക്കി. കുഞ്ഞിനൊപ്പം കുടുംബവും ഉണ്ടായിരുന്നെന്ന് ഡി.സി.പി പറഞ്ഞു. ഇന്ദിരാ ഗാന്ധി വിമാനത്താവളത്തില്‍ ഇറങ്ങിയ വിമാനത്തില്‍ നിന്നും കുഞ്ഞിന്റെ മൃതദേഹം പോലീസ് ഏറ്റുവാങ്ങി ആശുപത്രിയിലേക്ക് മാറ്റി .
അതിനിടെ തോക്കുമായി വിമാനയാത്രയ്ക്കെത്തിയ ആളെ പട്‌ന വിമാനത്താവളത്തില്‍ സി.ഐ.എസ്.എഫ് പിടികൂടി . ലഞ്ച് ബോക്‌സില്‍ ഒളിപ്പിച്ച നിലയിലായിരുന്നു പിസ്റ്റള്‍. ഡല്‍ഹിയിലേക്കുള്ള ഇന്‍ഡിഗോ വിമാനത്തില്‍ യാത്ര ചെയ്യാനെത്തിയ ഇയാളെ പൊലീസിന് കൈമാറിയിട്ടുണ്ട്.