ലഹരിപ്പുറത്തേറി വന്ന വരന്‍; വിവാഹ വേദിയ്ക്ക് മുന്നില്‍ മദ്യം, പിന്നില്‍ കഞ്ചാവ്; വിവാഹത്തില്‍ നിന്ന് പിന്മാറി വധു

കുതിരപ്പുറത്തെത്തുന്ന വരന്‍ ഉത്തരേന്ത്യന്‍ വിവാഹ ചടങ്ങുകളിലെ പതിവ് കാഴ്ചയാണ്. എന്നാല്‍ ലഹരിപ്പുറത്തേറി വന്ന വരന്റെ വാര്‍ത്തയാണ് സാമൂഹ്യ മാധ്യമങ്ങളില്‍ വൈറലായിരിക്കുന്നത്. വരന്‍ വിവാഹ ചടങ്ങിന് മദ്യപിച്ചെത്തുകയും തുടര്‍ന്ന് വേദിയുടെ പിന്നില്‍ നിന്ന് കഞ്ചാവ് വലിക്കുകയും ചെയ്തതോടെ വധു വിവാഹത്തില്‍ നിന്ന് പിന്മാറുകയായിരുന്നു.

ഉത്തര്‍പ്രദേശിലെ ഭദോഹിയില്‍ വ്യാഴാഴ്ചയാണ് സംഭവം നടന്നത്. സിറ്റി കോട്‌വാലി പൊലീസ് സ്റ്റേഷന്‍ പരിധിയിലെ ഫട്ടുപൂര്‍ സ്വദേശി ഷീലാ ദേവിയുടെ മകള്‍ പിങ്കിയാണ് ജൗന്‍പൂര്‍ ജില്ലയിലെ ജയറാംപൂര്‍ സ്വദേശി ഗൗതമുമായുള്ള വിവാഹത്തില്‍ നിന്ന് പിന്മാറിയത്. ബുധനാഴ്ച രാത്രിയെത്തിയ വിവാഹ ഘോഷയാത്രയിലും വരന്‍ അമിതമായി മദ്യപിച്ചിരുന്നു.

തുടര്‍ന്ന് ഗൗതം സ്റ്റേജില്‍ നിന്ന് അസഭ്യം പറഞ്ഞതായും വധുവിന്റെ ബന്ധുക്കള്‍ ആരോപിക്കുന്നു. വരന്റെ പെരുമാറ്റത്തിലെ അസ്വാഭാവികത കണ്ട് ബന്ധുക്കള്‍ വേദിയിലേക്ക് എത്തിയപ്പോള്‍ വരന്‍ വേദിയില്‍ നിന്ന് ഇറങ്ങിപ്പോയി. തുടര്‍ന്ന് ഇയാള്‍ വേദിയുടെ പിന്നില്‍ നിന്ന് കഞ്ചാവ് വലിച്ചതായും പിങ്കിയുടെ ബന്ധുക്കള്‍ ആരോപിക്കുന്നു.

ഇതേ തുടര്‍ന്നാണ് വധു വിവാഹത്തില്‍ നിന്ന് പിന്മാറിയത്. ശേഷം വരനെയും പിതാവിനെയും വധുവിന്റെ ബന്ധുക്കള്‍ ബന്ദികളാക്കി. വിവാഹ ആവശ്യങ്ങള്‍ക്കായി എട്ട് ലക്ഷം രൂപ തങ്ങള്‍ക്ക് ചെലവായെന്നും അത് തിരികെ നല്‍കണമെന്നും ബന്ധുക്കള്‍ ആവശ്യപ്പെട്ടു. തുടര്‍ന്ന് വിവരം അറിഞ്ഞെത്തിയ പൊലീസ് സംഭവം ഒത്തുതീര്‍പ്പിലേക്ക് എത്തിക്കാന്‍ ശ്രമിച്ചെങ്കിലും വധു തന്റെ നിലപാടില്‍ ഉറച്ച് നിന്നു.

Latest Stories

കാത്തിരിപ്പിനൊടുവിൽ സുനിത വില്യംസും ബുച്ച് വിൽമോറും ഭൂമിയിലേക്ക്; ബുധനാഴ്ച പുലർച്ചെ ഫ്ലോറിഡ തീരത്ത് ഇറങ്ങും

ഓസ്‌കര്‍ വെറും സില്ലി അവാര്‍ഡ്, ഞങ്ങള്‍ക്ക് ദേശീയ അവാര്‍ഡുണ്ട്.. അമേരിക്ക യഥാര്‍ത്ഥ മുഖം അംഗീകരിക്കാന്‍ ഇതുവരെ തയാറായിട്ടില്ല: കങ്കണ

'സമൂഹത്തിൽ ഏറ്റവും കൂടുതൽ ക്രിമിനൽ സ്വഭാവമുള്ളത് മുസ്ലിങ്ങൾക്ക്'; വിദ്വേഷ പരാമർശവുമായി സിപിഎം മൂവാറ്റുപുഴ ഏരിയ കമ്മിറ്റി അംഗം

അന്ന് ഷമി ഇന്ന് മകൾ, ഹോളി ആഘോഷിച്ചതിന് താരത്തിന്റെ പുത്രിയെ അധിക്ഷേപിച്ച് പുരോഹിതൻ; മുസ്ലീങ്ങൾ ഇങ്ങനെ ചെയ്യരുതെന്നും ഉപദ്ദേശം

ഈ ചെറുപ്പക്കാരന് എന്താണ് ഇങ്ങനൊരു മനോഭാവം? ഷാരൂഖും സല്‍മാനും ബഹുമാനിക്കുന്നു..; ഇമ്രാന്‍ ഹാഷ്മിക്കെതിരെ പാക് നടന്‍

ഇന്ത്യയിൽ നിന്നുള്ള ആദ്യ ബഹിരാകാശ വനിത യാത്രിക; കല്പന ചൗള ജന്മദിനം

ഇഡിക്ക് മുന്നില്‍ ഡല്‍ഹിയിലും ഹാജരാകില്ല; അമ്മയുടെ മരണാനന്തര ചടങ്ങുകളില്‍ പങ്കെടുക്കണമെന്ന് കെ രാധാകൃഷ്ണന്‍; അന്തിമ കുറ്റപത്രം ഈ മാസം നല്‍കേണ്ടതിനാല്‍ നിര്‍ണായകം

IPL 2025: എന്റെ മോനെ ഇതുപോലെ ഒരു സംഭവം ലോകത്തിൽ ആദ്യം, ചരിത്രത്തിലേക്ക് കണ്ണുംനട്ട് ധോണി; ഉന്നമിടുന്നത് ഇനി ആർക്കും സാധിക്കാത്ത നേട്ടം

മൈനര്‍ പെണ്‍കുട്ടികളെ ഗസ്റ്റ് ഹൗസില്‍ കൊണ്ടുവന്ന് സിലക്ട് ചെയ്യും, എന്നെ റൂമില്‍ പൂട്ടിയിടും.. കൊന്നില്ലെങ്കില്‍ ഞാനെല്ലാം വിളിച്ച് പറയും; ആരോപണങ്ങള്‍ ആവര്‍ത്തിച്ച് എലിസബത്ത്

വഖഫ് ഭൂമിയുടെ കാര്യത്തിൽ തീരുമാനം എടുക്കേണ്ടത് വഖഫ് ബോർഡ്; മുനമ്പം ജുഡീഷ്യൽ കമ്മീഷൻ റദ്ധാക്കി ഹൈക്കോടതി