ന്യൂഡൽഹിയിൽ പാർലമെൻ്റ് മന്ദിരത്തിന് സമീപം ഒരാൾ സ്വയം തീകൊളുത്തി. 50 ശതമാനം പൊള്ളലേറ്റ ഇയാൾ ആർഎംഎൽ ആശുപത്രിയിൽ ചികിത്സയിലാണ്. അധികാരികൾ പെട്ടെന്ന് തന്നെ തീയണക്കുകയും വ്യക്തിയെ ആർഎംഎൽ ആശുപത്രിയിൽ ചികിത്സയ്ക്കായി മാറ്റുകയും ചെയ്തു.
“ലോക്കൽ പോലീസും റെയിൽവേ പോലീസും ചില സിവിൽ ആളുകളും ചേർന്ന് ഉടൻ തീ അണക്കുകയായിരുന്നു. ആളെ ആശുപത്രിയിലേക്ക് അയച്ചു. നമുക്ക് മനസ്സിലാക്കാൻ കഴിയുന്നത് പോലെ, പ്രശ്‌നം ബാഗ്പത്തുമായി ബന്ധപ്പെട്ടതും വ്യക്തിവൈരാഗ്യവുമാകാം. കൂടുതൽ അന്വേഷണം തുടരുകയാണ്.” ഡൽഹി പോലീസ് പറഞ്ഞു.
ഉത്തർപ്രദേശിലെ ബാഗ്പത് സ്വദേശിയായ ജിതേന്ദ്ര എന്നയാളാണ് പിന്നിലെന്നാണ് പ്രാഥമികാന്വേഷണം. പ്രദേശം പോലീസ് വളഞ്ഞിരിക്കുകയാണ്. ഈ സംഭവവുമായി ബന്ധപ്പെട്ട സാഹചര്യങ്ങൾ അനാവരണം ചെയ്യുന്നതിനായി സമഗ്രമായ അന്വേഷണം നടക്കുന്നു.