വാഹനാപകടത്തില്‍ ഗുരുതരമായി പരിക്കേറ്റ ഉന്നവോ പെണ്‍കുട്ടി അപകടനില തരണം ചെയ്തു.ച ഡല്‍ഹി എയിംസില്‍ ചികിത്സയില്‍ കഴിയുന്ന പെണ്‍കുട്ടിയെ ഐസിയുവില്‍ നിന്നും വാര്‍ഡിലേക്ക് മാറ്റി.
ജൂലൈ 28ന് അപകടത്തില്‍പെട്ട പെണ്‍കുട്ടിയെ ആശുപത്രിയില്‍ പ്രവേശിപ്പിക്കുമ്പോള്‍ അതീവ ഗുരുതരാവസ്ഥയിലായിരുന്നു. തുടര്‍ന്ന് ഒരുമാസത്തെ ചികിത്സയ്ക്ക് ശേഷമാണ് അപകടനില തരണം ചെയ്ത്. സുപ്രീം കോടതി ഉത്തരവ് പ്രകാരമാണ് ലക്നോവിലെ ആശുപത്രിയില്‍ നിന്നും ഡല്‍ഹി എയിംസിലേയ്ക്ക് പെണ്‍കുട്ടിയെ മാറ്റിയത്.
ഉന്നാവോയില്‍ നിന്നും റായ് ബറേലിയിലേക്ക് പോകുന്ന വഴി പെണ്‍കുട്ടിയും അഭിഭാഷകനും സഞ്ചരിച്ച വാഹനത്തില്‍ ട്രക്ക് വന്ന് ഇടിച്ചാണ് അപകടമുണ്ടായത്. അപകടം ആസൂത്രിതമാണെന്ന് നിരവധി ആരോപണം ഉയര്‍ന്നിരുന്നു. ഇതിന് പിന്നാലെ സിബിഐ കേസ് അന്വേഷണം ആരംഭിച്ചത്.
പെണ്‍കുട്ടിയുടെ അഭിഭാഷകനും അപകടത്തെ തുടര്‍ന്ന് എയിംസില്‍ ചികിത്സയിലാണ്. പെണ്‍കുട്ടി പൂര്‍ണ്ണ ആരോഗ്യം വീണ്ടെടുത്ത ശേഷം മാത്രമേ സിബിഐ മൊഴി രേഖപ്പെടുത്തു എന്നാണ് റിപ്പോര്‍ട്ട്. ഇതുവരെ 10 പേരെ സിബിഐ അറസ്റ്റ് ചെയ്തിട്ടുണ്ട്. പെണ്‍കുട്ടിയെ പീഡിപ്പിച്ച കേസില്‍ ജയിലില്‍ കഴിയുന്ന മുന്‍ ബിജെപി എംപിയായിരുന്ന കുല്‍ദീപ് സിങ്ങ് സെനഗറിനെതിരെ സിബിഐ കേസെടുത്തിരുന്നു.