Connect with us
https://southlive.in/wp-content/uploads/2018/08/728-x-90-pix.jpg

NATIONAL

ദേശീയ തലസ്ഥാനത്ത് വിസറ പരിശോധന യഥാസമയം നടക്കുന്നത് 6.2 ശതമാനം കേസുകളില്‍; ബാക്കിയുള്ളത് വഴിപാട് തീര്‍ക്കലെന്ന് എയിംസ് റിപ്പോര്‍ട്ട്

, 12:04 pm

ദേശീയ തലസ്ഥാനത്ത് നടക്കുന്ന വിസറ ടെസ്റ്റുകളില്‍ 50 ശതമാനത്തോളവും വെറുതെ വഴിപാട് തീര്‍ക്കലാണെന്ന് എയിംസ് (ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ്) റിപ്പോര്‍ട്ട്. വിസറ എടുത്തതിന് ശേഷം പരമാവധി ആറുമാസത്തിനുള്ളില്‍ പരിശോധിക്കണമെന്നാണ് നിയമം.പോസ്റ്റ്‌മോര്‍ട്ടിത്തിന് ശേഷം വിസറ ആറുമാസത്തിനകം പരിശോധിച്ച് ഉറപ്പുവരുത്തണമെന്നാണ് മെഡിക്കല്‍ സയന്‍സും പറയുന്നത്. എ്ന്നാല്‍ ഇക്കാലയളവിനുള്ളില്‍ ഇത് നടക്കുന്നത് 6.2 ശതമാനം കേസുകളില്‍ മാത്രമാണെന്നാണ് ഡെല്‍ഹി എയിംസ് ഫോറന്‍സിക് വിഭാഗം നടത്തിയ പഠനത്തില്‍ പറയുന്നത്.

ആറു മാസത്തിന് ശേഷം കോശങ്ങള്‍ നശിക്കുന്നതിനാല്‍ പിന്നീടുള്ള പരിശോധനകള്‍ പോലീസിന്റെ വെറും നടപടിക്രമം മാത്രമെ ആകുന്നുളളുവെന്നും പ്രത്യേകിച്ച് കാര്യമൊന്നുമില്ലെന്നുമാണ് മെഡിക്കല്‍ സയന്‍സ് പറയുന്നത്. ടിഷ്യൂക്കള്‍ നശിക്കുന്നതോടെ നിര്‍ണായകമായ പല വിവരങ്ങള്‍ ലഭ്യമല്ലാതാവുകയും പ്രമാതമായ പല കേസുകളും തുമ്പില്ലാതാവുകയും ചെയ്യും. വിസറ പരിശോധന ഫലത്തിന് കാത്തിരിക്കുന്ന കേസുകളും നിരവധിയാണ്.

2013 ല്‍ എയിംസില്‍ നടന്ന 1713 പോസ്റ്റ് മോര്‍ട്ടം കേസുകളില്‍ 710 എണ്ണത്തിന്റെ വിസറയാണ് പരിശോധനക്കായി സൂക്ഷിച്ചിരുന്നത്. ഇതില്‍ 6.2 ശതമാനം കേസുകളില്‍ മാത്രമാണ് ആറുമാസത്തിനുള്ളില്‍ പരിശോധന നടന്നത്. ബാക്കിമുഴുവന്‍ നടപടിക്രമം എന്നുള്ള നില്‍ക്ക് നടത്തുകയായിരുന്നു.

രാജ്യത്ത് ഫോറന്‍സിക് സയന്‍സ് ലബോറട്ടറികളുടെ കുറവും ആവശ്യമനുസരിച്ച് അടിസ്ഥാന സൗകര്യങ്ങളുടെ കുറവുമാണ് യഥാസമയം പരിശോധന നടക്കുവാന്‍ തടസമായി നില്‍ക്കുന്നതെന്നും എയിംസ് പഠനം പറയുന്നു.’നിലവില്‍ വിസറ പോലീസ് കളക്ട് ചെയ്ത സ്‌റ്റേഷനില്‍ സൂക്ഷികക്കയാണ്. പിന്നീട് ഫോറന്‍സിക് ലബോറട്ടറിക്ക് കൈമാറുകയാണ്. പിന്നീട് കേസിന്റെ പ്രാധാന്യമനുസരിച്ച് വെയിറ്റിംഗ് ലിസ്റ്റിലിടും. ഡല്‍ഹിയിലെ രണ്ട് ജില്ലകളില്‍ നിന്നുള്ള 387 കേസുകള്‍ നിലവില്‍ പെന്‍ഡിംഗിലാണ്. അപ്പോള്‍ രാജ്യമാകെയുള്ളത് എത്രമാത്രമാകും’-ഡെല്‍ഹി എയിംസിന്റെ ഫൊറന്‍സിക് വിഭാഗം തലവന്‍ പ്രൊഫസര്‍ സുധീര്‍ മിശ്ര ചോദിക്കുന്നു.

Advertisement