ഇന്ത്യയുമായി യുദ്ധമല്ല ചർച്ചയാണ് വേണ്ടതെന്ന് നയം വ്യക്തമാക്കി പാകിസ്ഥാൻ സൈന്യം. രാജ്യങ്ങൾ തമ്മിൽ സമാധാന അന്തരീക്ഷം ഉണ്ടാകണമെങ്കിൽ ചർച്ചകൾ നടത്തണമെന്നും ഇതിനായി ജനാധിപത്യ സർക്കാർ എടുക്കുന്ന ഏതു തീരുമാനത്തെയും പാക്ക് സൈന്യം സ്വാഗതം ചെയ്യുന്നതായി പാക്ക് സൈന്യം വ്യക്തമാക്കി.
ഇന്ത്യയുമായി സമാധാനമാണ് പാക് സൈന്യം ആഗ്രഹിക്കുന്നതെന്നും പാക്ക് സെനറ്റിനു നൽകിയ വിശദീകരണത്തിൽ സൈനിക മേധാവി ജനറൽ ഖമർ ജാവേദ് ബജ്വ വ്യക്തമാക്കി. ഇന്ത്യയുമായുള്ള ബന്ധം മെച്ചപ്പെടുത്താൻ ശ്രമിക്കണമെന്നു പാക്കിസ്ഥാനിലെ എംപിമാരോടു സൈനിക മേധാവി ജനറൽ ഖമർ ജാവേദ് ബജ്വ നേരത്തെ ആവശ്യപ്പെട്ടിരുന്നു. എല്ലാ അയൽ രാജ്യങ്ങളുമായുള്ള ബന്ധം മെച്ചപ്പെടുത്തേണ്ടതുണ്ട്.
Read more
ഇന്ത്യയുമായുള്ള ബന്ധം സാധാരണനിലയിൽ ആക്കുന്നതിനായുള്ള നടപടികൾക്കു സൈന്യത്തിന്റെ എല്ലാ പിന്തുണയുമുണ്ടാകുമെന്നും ബജ്വ പറഞ്ഞു. ഇന്ത്യയുമായുള്ള സമാധാനശ്രമങ്ങൾക്ക് എതിരുനിൽക്കുന്നതു പാക്ക് സൈന്യമാണെന്നു നേരത്തെ ആരോപണമുയർന്ന സാഹചര്യത്തിലാണ് തിരുത്തലുമായി സൈനിക മേധാവി രംഗത്തു വന്നത്. അതേസമയം, ഇന്ത്യൻ സേനയിലെ ഒരു വലിയ വിഭാഗം പാക്കിസ്ഥാന് എതിരാണെന്നും ബജ്വ വ്യക്തമാക്കി.
