ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് പങ്കുവെച്ച് തിരഞ്ഞെടുപ്പ് പ്രചാരണത്തിന്റെ ചിത്രത്തിനെതിരെ കോണ്‍ഗ്രസ്. യുപിയിലെ ഇട്ടാവ ജില്ലയില്‍ യോഗി നടത്തിയ തെരഞ്ഞെടുപ്പ് പ്രചാരണ ചിത്രം എന്ന പേരിലാണ് യോഗി ആദിത്യനാഥ് ആള്‍ക്കൂട്ടത്തെ അഭിവാദ്യം ചെയ്യുന്ന ചിത്രം പങ്കുവെച്ചത്.
ഭീകരവാദികളുടെ നേതാക്കള്‍ക്കും കുറ്റവാളികളുടെ സംരക്ഷകര്‍ക്കും ഇവിടെ അടിതെറ്റും, എല്ലാ ബൂത്തിലും താമര വിരിയിക്കുമെന്ന് ഇട്ടാവക്കാര്‍ തീരുമാനമെടുത്തു കഴിഞ്ഞു. ഇട്ടാവക്ക് നന്ദി’- എന്നിങ്ങനെയായിരുന്നു യോഗിയുടെ ട്വീറ്റ്.
ട്വീറ്റ് പുറത്തായതിന് പിന്നാലെ ഈ ചിത്രം വ്യാജമാണെന്ന് ആരോപിച്ച് യു.പി കോണ്‍ഗ്രസ് രംഗത്തുവന്നു. ചിത്രം റീട്വീറ്റ് ചെയ്താണ് കോണ്‍ഗ്രസ് ചിത്രം വ്യാജമാണെന്ന് വ്യക്തമാക്കിയത്. ചിത്രം ഫോട്ടോഷോപ്പിലൂടെ നിര്‍മ്മിച്ചതാണെന്നും അധികം സൂം ചെയ്യരുതെന്നും ഉത്തര്‍പ്രദേശ് കോണ്‍ഗ്രസ് പരിഹസിച്ചു.
जनपद इटावा, इतिहास रचने जा रहा है…
‘आतंकियों के रहनुमा’ और अपराधियों के सरपरस्त’ यहां पस्त होंगे।
इटावा ने ठाना है, हर बूथ पर कमल का फूल खिलाना है…
धन्यवाद इटावा! pic.twitter.com/4RpIPbQSfn
— Yogi Adityanath (@myogiadityanath) February 15, 2022
Read more
