Connect with us
https://southlive.in/wp-content/uploads/2018/08/728-x-90-pix.jpg

POLITICS

പാര്‍ട്ടി മന്ത്രിമാരെ ‘കുത്തി’ സിപിഐ ജില്ലാ സമ്മേളനം; ‘വി.എസ്. സുനില്‍കുമാര്‍ മണ്ഡരി ബാധിച്ച തെങ്ങ്, ഇ. ചന്ദ്രശേഖര്‍ വായ പോയ കോടാലി’

, 5:19 pm

സിപിഐ ഇടുക്കി ജില്ലാ സമ്മേളനത്തില്‍ പാര്‍ട്ടി മന്ത്രിമാര്‍ക്കെതിരെ ഗുരുതര ആരോപണവുമായി പ്രതിനിധികള്‍. കൃഷി മന്ത്രി വി.എസ്. സുനില്‍കുമാര്‍ മണ്ഡരി ബാധിച്ച തെങ്ങാണെന്നും, വായ പോയ കോടാലിയാണ് റവന്യു മന്ത്രി ഇ. ചന്ദ്രശേഖരനെന്നും ഗ്രൂപ്പ് ചര്‍ച്ചയില്‍ പ്രതിനിധികള്‍ വിമര്‍ശനമുന്നയിച്ചു.
വനം വകുപ്പ് സമാന്തര സര്‍ക്കാരായി പ്രവര്‍ത്തിക്കുന്ന സ്ഥിതിവിശേഷമാണ് നിലവിലുള്ളത്. ഭരണം നടത്തുന്നത് ജോയിന്റ് കൗണ്‍സില്‍ നേതാക്കളാണ്. റവന്യുവനം വകുപ്പ് ഉദ്യോഗസ്ഥര്‍ വ്യാപകമായ തോതില്‍ പണപ്പിരിവ് നടത്തുകയാണെന്നും പ്രതിനിധികള്‍ ആരോപിച്ചു.

മുഖ്യമന്ത്രി പിണറായി വിജയനും മന്ത്രി മണിക്കുമെതിരെയുള്ള റിപ്പോര്‍ട്ടും സമ്മേളനത്തില്‍ അവതരിപ്പിച്ചു. പാപ്പാത്തിച്ചോലയിലെ കയ്യേറ്റം ഒഴിപ്പിച്ചതിനെതിരെ മുഖ്യമന്ത്രി തന്നെ രംഗത്തുവന്നതു സംശയങ്ങളുയര്‍ത്തുന്നു. താനാണ് സര്‍ക്കാരെന്നാണു പിണറായി വിജയന്റെ ഭാവം. ജില്ലയില്‍ എല്‍ഡിഎഫിലെ മുന്നണി ബന്ധം അങ്ങേയറ്റം വഷളാണ്. ഇടുക്കി ജില്ലയിലെ കയ്യേറ്റക്കാരുടെ സംരക്ഷകനാണു മന്ത്രി മണിയെന്നു റിപ്പോര്‍ട്ടില്‍ പറയുന്നു. ജില്ലയിലെ കയ്യേറ്റം ഒഴിപ്പിക്കുന്ന പ്രശ്‌നം വരുമ്പോള്‍ സിപിഎമ്മിന്റെ, പ്രത്യേകിച്ച് മന്ത്രി എം.എം.മണിയുടെ മട്ടും ഭാവവും മാറുമെന്നും ജോയ്‌സ് ജോര്‍ജ് എംപിയെ മറയാക്കി കൊട്ടാക്കമ്പൂര്‍ മേഖലയിലെ മുഴുവന്‍ കയ്യേറ്റക്കാരെയും സംരക്ഷിക്കാനാണു മണി ശ്രമിക്കുന്നതെന്നും റിപ്പോര്‍ട്ടില്‍ പറയുന്നു.

Advertisement