വിജയ് ദേവരകൊണ്ടയും സമാന്തയും ഒന്നിച്ചെത്തുന്ന റൊമാന്റിക് എന്റര്‍ടെയ്‌നര്‍ ‘ഖുശി’ ചിത്രത്തിന്റെ ട്രെയ്‌ലര്‍ ശ്രദ്ധ നേടുന്നു. ഇരുവരുടെയും കെമിസ്ട്രി തന്നെയാണ് ട്രെയ്‌ലറിന്റെ പ്രധാന ആകര്‍ഷണം. സെപ്റ്റംബര്‍ ഒന്നിന് തെലുങ്ക്, തമിഴ്, മലയാളം, കന്നഡ, ഹിന്ദി ഭാഷകളിലായാണ് ഖുഷശി റിലീസ് ചെയ്യുന്നത്.
ശിവ നിര്‍വാണയുടെ സംവിധാനത്തില്‍ ഒരുങ്ങുന്ന പാന്‍ ഇന്ത്യന്‍ ചിത്രം മൈത്രി മൂവി മേക്കേഴ്സാണ് നിര്‍മ്മിക്കുന്നത്. ‘മഹാനടി’ എന്ന സിനിമയ്ക്ക് ശേഷം സമാന്തയും വിജയ് ദേവരകൊണ്ടയും ഒന്നിക്കുന്ന ചിത്രം കൂടിയാണിത്.
ജയറാം, സച്ചിന്‍ ഖേദേക്കര്‍, മുരളി ശര്‍മ, ലക്ഷ്മി, അലി, ശരണ്യ പൊന്‍വണ്ണന്‍, രോഹിണി, വെണ്ണല കിഷോര്‍, രാഹുല്‍ രാമകൃഷ്ണ, ശ്രീകാന്ത് അയ്യങ്കാര്‍, ശരണ്യ പ്രദീപ് എന്നിവരാണ് മറ്റ് അഭിനേതാക്കള്‍. മലയാളി സംഗീതസംവിധായകനായ ഹിഷാം അബ്ദുള്‍ വഹാബ് ഒരുക്കിയ ഖുശിയിലെ ഗാനങ്ങള്‍ നേരത്തെ പുറത്തെത്തിയിരുന്നു.
Read more
എഡിറ്റര്‍: പ്രവീണ്‍ പുടി, ഛായാഗ്രഹണ: ജി മുരളി, സംഘട്ടനം: പീറ്റര്‍ ഹെയ്ന്‍, മേക്കപ്പ്: ബാഷ, കോസ്റ്റ്യൂം ഡിസൈനര്‍മാര്‍: രാജേഷ്, ഹര്‍മന്‍ കൗര്‍, പല്ലവി സിങ്, കല: ഉത്തര കുമാര്‍, ചന്ദ്രിക, രചനാസഹായം : നരേഷ് ബാബു.പി, എക്സിക്യൂട്ടീവ് പ്രൊഡ്യൂസര്‍: ദിനേശ് നരസിംഹന്‍.
