യുഎസില്‍ രണ്ട് വീടുകള്‍ക്ക് നേരെയുണ്ടായ വെടിവയ്പ്പില്‍ ഏഴ് പേര്‍ കൊല്ലപ്പെട്ടു. 23കാരനായ റോമിയോ നാന്‍സ് ആണ് ആക്രമണത്തിന് പിന്നില്‍. ഇല്ലിനോയിസിലെ വെസ്റ്റ് ഏക്കേര്‍സ് റോഡിലെ 2200 ബ്ലോക്കിലാണ് സംഭവം നടന്നത്. വെടിയുതിര്‍ത്ത റോമിയോ നാന്‍സ് താമസിക്കുന്നത് ആക്രമണത്തിനിരയായ വീടുകള്‍ക്ക് സമീപമാണ്.
പ്രതി വെടിയുതിര്‍ത്തതിന്റെ കാരണം വ്യക്തമല്ല. ചുവപ്പ് നിറത്തിലുള്ള ടൊയോട്ട കാറിലാണ് ഇയാള്‍ ആക്രമണത്തിനെത്തിയത്. റോമിയോ നാന്‍സുമായി ബന്ധപ്പെട്ട എന്തെങ്കിലും വിവരം ലഭിക്കുന്നവര്‍ പൊലീസുമായി ഉടന്‍ ബന്ധപ്പെടണമെന്ന് അറിയിച്ചിട്ടുണ്ട്.
അതേസമയം യുഎസില്‍ കഴിഞ്ഞ കുറച്ച് നാളുകളായി വെടിയേറ്റ് കൊല്ലപ്പെടുന്നവരുടെ എണ്ണം ക്രമാധീതമായി വര്‍ദ്ധിക്കുന്നത് പ്രവാസികള്‍ ഉള്‍പ്പെടുള്ളവരില്‍ തീര്‍ക്കുന്ന ആശങ്ക ചെറുതല്ല. പുതുവര്‍ഷത്തിലെ ഇതുവരെയുള്ള കണക്കുകള്‍ പ്രകാരം 875 പേരാണ് വെടിയേറ്റ് കൊല്ലപ്പെട്ടത്.