നേപ്പാളില്‍ ബസ് നദിയിലേക്ക് മറിഞ്ഞ് 14 ഇന്ത്യക്കാര്‍ക്ക് ദാരുണാന്ത്യം. 40 യാത്രക്കാരുമായി സര്‍വീസ് നടത്തിയ ബസ് തനാഹന്‍ ജില്ലയിലെ മര്‍സ്യാന്ദി നദിയിലേക്ക് മറിയുകയായിരുന്നു. നേപ്പാളിന്റെ തലസ്ഥാനമായ കാഠ്മണ്ഡുവില്‍ നിന്ന് 110 കിലോമീറ്റര്‍ അകലെയാണ് അപകടം സംഭവിച്ചത്. കാഠ്മണ്ഡുവില്‍ നിന്ന് പൊഖ്‌റയിലേക്ക് പോയ ബസാണ് അപകടത്തില്‍പ്പെട്ടത്.
16 യാത്രക്കാര്‍ക്ക് അപകടത്തില്‍ പരിക്കേറ്റിട്ടുണ്ട്. അപകട സ്ഥലത്ത് നേപ്പാള്‍ ദുരന്ത നിവാരണ സേനയുടെ 45 അംഗ സംഘം രക്ഷാപ്രവര്‍ത്തനം തുടരുകയാണ്. പൊഖ്‌റയിലെ മജേരി റിസോര്‍ട്ടില്‍ താമസിച്ചിരുന്ന സഞ്ചാരികള്‍ വെള്ളിയാഴ്ച രാവിലെയാണ് കാഠ്മണ്ഡുവിലേക്ക് യാത്ര തിരിച്ചത്. കൂടുതല്‍ വിവരങ്ങള്‍ ലഭ്യമായിട്ടില്ല.