ലണ്ടനിലെ റെസ്റ്റോറന്റില്‍ മലയാളി വിദ്യാര്‍ത്ഥിനിയെ കുത്തി ഇന്ത്യന്‍ യുവാവ്. ലണ്ടനിലെ സര്‍വകലാശാല വിദ്യാര്‍ത്ഥിനിയായ സോന ബിജുവിനാണ് കുത്തേറ്റത്. ഹൈദരബാദ് സ്വദേശിയായ 23കാരന്‍ ശ്രീരാം അംബാലയാണ് സോനയെ കത്തി കൊണ്ട് കുത്തിയത്.
ഇയാളെ പൊലീസ് അറസ്റ്റ് ചെയ്തു.സോനയുടെ ആരോഗ്യനില ആശങ്കജനകമല്ലെന്ന് മെട്രോപൊളിറ്റന്‍ പൊലീസ് പ്രസ്താവനയില്‍ അറിയിച്ചു. 20ഓളം കുത്തുകളാണ് സോനയുടെ ശരീരത്തിലുണ്ടായിരുന്നത്.
ഈസ്റ്റ്ഹാമിലെ ഹൈദരബാദ് വാല ബിരിയാണി റെസ്റ്റോറന്റില്‍ പാര്‍ട്ട്ടൈം ജോലിയും സോന ചെയ്യുന്നുണ്ടായിരുന്നു. റെസ്റ്റോറന്റില്‍ ശ്രീറാമിന് യുവാവിന് ഭക്ഷണം വിളമ്പുന്നതിനിടെയായിരുന്നു ആക്രമണം. ആക്രമണത്തിന് പിന്നില്‍ കാരണം എന്താണെന്ന് അന്വേഷിക്കുകയാണെന്ന് പൊലീസ് അറിയിച്ചു.
ആക്രമണത്തിന്റെ സിസി ടിവി ദൃശ്യങ്ങള്‍ പുറത്തുവന്നിട്ടുണ്ട്. കഴിഞ്ഞ ഫെബ്രുവരിയിലാണ് സോന ലണ്ടനിലെത്തിയത്. ഈസ്റ്റ് ലണ്ടന്‍ യൂണിവേഴ്സിറ്റിയിലെ വിദ്യാര്‍ത്ഥിനിയാണ്.