യുഎസ് പ്രസിഡന്റ് ഡൊണാൾഡ് ട്രംപ് തന്റെ വടക്കുള്ള സ്വതന്ത്ര അയൽ രാജ്യമായ കാനഡയെ കീഴടക്കി യുണൈറ്റഡ് സ്റ്റേറ്റ്സിന്റെ 51-ാമത്തെ സംസ്ഥാനമാക്കി മാറ്റുമെന്ന് ആവർത്തിച്ച് ഭീഷണിപ്പെടുത്തിയതിന് ശേഷം കാനഡയിൽ നിന്നുള്ള 150,000-ത്തിലധികം ആളുകൾ ട്രംപിന്റെ വിശ്വസ്തനായ ഇലോൺ മസ്‌കിന്റെ കനേഡിയൻ പൗരത്വം റദ്ദാക്കണമെന്ന് ആവശ്യപ്പെടുന്ന ഒരു പാർലമെന്ററി നിവേദനത്തിൽ ഒപ്പുവച്ചു.
ബ്രിട്ടീഷ് കൊളംബിയ എഴുത്തുകാരിയായ ക്വാലിയ റീഡ് കാനഡയിലെ ഹൗസ് ഓഫ് കോമൺസിൽ ഹർജി സമർപ്പിച്ചു. ന്യൂ ഡെമോക്രാറ്റ് പാർലമെന്ററി അംഗവും മസ്‌കിന്റെ കടുത്ത നിരൂപകനുമായ ചാർലി ആംഗസ് ആണ് ഹർജി സമർപ്പിച്ചതെന്ന് കനേഡിയൻ പ്രസ് വാരാന്ത്യത്തിൽ ആദ്യം റിപ്പോർട്ട് ചെയ്തു.
ദക്ഷിണാഫ്രിക്കയിൽ ജനിച്ച മസ്ക് ഇലക്ട്രിക് വാഹന നിർമ്മാതാക്കളായ ടെസ്‌ല, എയ്‌റോസ്‌പേസ് കമ്പനിയായ സ്‌പേസ് എക്‌സ്, സോഷ്യൽ മീഡിയ പ്ലാറ്റ്‌ഫോമായ ട്വിറ്റർ/എക്‌സ് എന്നിവയുൾപ്പെടെയുള്ള യുഎസ് കമ്പനികൾക്ക് നേതൃത്വം നൽകുന്നു. സസ്‌കാച്ചെവാൻ തലസ്ഥാനമായ റെജീനയിൽ നിന്നുള്ള അമ്മ വഴിയാണ് മസ്കിന് കനേഡിയൻ പൗരത്വം ലഭിച്ചത്. ജനുവരി 20 ന് രണ്ടാം പ്രസിഡന്റ് ടേമിനായി വൈറ്റ് ഹൗസിലേക്ക് തിരിച്ചെത്തിയതിനുശേഷം കാനഡയുടെ പരമാധികാരത്തെ നിരന്തരം വെല്ലുവിളിച്ച യുഎസ് പ്രസിഡന്റിന്റെ നിർദ്ദേശപ്രകാരം യുഎസ് ഫെഡറൽ ഗവൺമെന്റിന്റെ വലുപ്പം കുറയ്ക്കാൻ അദ്ദേഹം തഹീരുമാനം എടുത്ത് വരുകയാണ്.
Read more
കനേഡിയൻ പൗരത്വം റദ്ദ് ചെയ്യണമെന്ന് ഉന്നയിച്ച് ഫെബ്രുവരി 20 ന് സമർപ്പിച്ച റീഡിന്റെ ഹർജിയിൽ, ട്രംപിന്റെ ഉപദേഷ്ടാവായി പ്രവർത്തിച്ചുകൊണ്ട് മസ്ക് “കാനഡയുടെ ദേശീയ താൽപ്പര്യത്തിന് വിരുദ്ധമായ പ്രവർത്തനങ്ങളിൽ ഏർപ്പെട്ടിട്ടുണ്ട്” എന്ന് ആരോപിക്കുന്നു.
