പാചകം ചെയ്ത പച്ചക്കറികൾക്കൊപ്പം ചത്ത എലിയുടെ തല അബദ്ധത്തിൽ ചവച്ചരച്ച്‌ സ്പാനിഷ് നിവാസിയായ ജുവാൻ ജോസ്. പച്ചക്കറി വിഭാഗത്തിൽപ്പെട്ട ഒരു ചെടിയായ ആർറ്റചോക് ആണ് താൻ ചവച്ചതെന്നാണ് ജുവാൻ ജോസ് ആദ്യം തെറ്റിദ്ധരിച്ചത് എന്ന് ഇൻഡിപെൻഡന്റ് റിപ്പോർട്ട് ചെയ്തു.
വീട്ടിൽ വെച്ച് ശീതീകരിച്ച പച്ചക്കറികളും ഉരുളക്കിഴങ്ങും പാചകം ചെയ്ത ശേഷം പ്ലേറ്റിൽ വിളമ്പുന്നതിനിടയിൽ ഇരുണ്ട പദാർത്ഥം ജുവാൻ ജോസ് ശ്രദ്ധിച്ചിരുന്നു. എന്നാൽ അത് ആർറ്റചോക് ആണെന്നാണ് കരുതിയത്. തുടർന്ന് ഭക്ഷണം കഴിക്കുന്നതിനിടെ വിചിത്രവും കറുമുറെ ഉള്ളതുമായ ആയ എന്തോ ഒന്ന് ജുവാൻ ജോസ് ചവയ്ക്കുകയായിരുന്നു.
ഇൻഡിപെൻഡന്റ് പ്രസിദ്ധീകരിച്ച റിപ്പോർട്ട് അനുസരിച്ച്, ഭക്ഷണത്തിനുള്ളിൽ നിന്ന് രണ്ട് കണ്ണുകൾ തന്നെ നോക്കുന്നതും കുറച്ച് മീശയും ജോസ് കണ്ടു, ഉടൻ തന്നെ അത് ഒരു ചത്ത എലിയാണെന്ന് ജുവാന് മനസ്സിലായി. ക്രിസ്മസിന് ശീതീകരിച്ച പച്ചക്കറികൾ വാങ്ങിയ ഫ്രഞ്ച് സൂപ്പർമാർക്കറ്റ് ശൃംഖലയ്‌ക്കെതിരെ ജുവാൻ ജോസ് ഇപ്പോൾ പരാതി നൽകിയിരിക്കുകയാണ് .
“ഉത്പന്നത്തിന്റെ നിർമ്മാതാക്കളുമായി ഞങ്ങൾ ബന്ധപ്പെട്ടു, ഉത്പന്നത്തിൽ എല്ലാ സുരക്ഷാ പ്രക്രിയകളും ശരിയായി നടത്തിയിട്ടുണ്ടോ എന്ന് ഉറപ്പാക്കാൻ ഞങ്ങൾ പരിശോധന നടത്തി വരികയാണ്. നിർമ്മാതാക്കളുടെയും ഞങ്ങളുടെയും പരിശോധനകൾ ശക്തമാക്കുകയും എല്ലാ ഘട്ടത്തിലും ഉപഭോക്താക്കളെ അറിയിക്കുകയും ചെയ്യും,” ഫ്രഞ്ച് സൂപ്പർമാർക്കറ്റിന്റെ വക്താവ് പറഞ്ഞതായി ഇൻഡിപെൻഡന്റ് റിപ്പോർട്ട് ചെയ്തു.