നിയമലംഘനത്തിന് പിടിയിലായ 18 പ്രവാസികളെ നാടുകടത്താന്‍ ഉത്തരവിറക്കി ഒമാന്‍. അനധികൃത മത്സ്യബന്ധനത്തെ തുടര്‍ന്ന് പിടിയിലായ പ്രവാസികളെയാണ് നാടു കടത്തുക.
ഡയറക്ടറേറ്റ് ജനറല്‍ ഓഫ് അഗ്രികള്‍ച്ചര്‍, ഫിഷറീസ് ആന്റ് വാട്ടര്‍ റിസോഴ്‌സ് ഇത് സംബന്ധിച്ച് പ്രസ്താവന പുറത്തിറക്കിയിരുന്നു. മഹൗത്ത് വിലായത്തിലെ സറബ് പ്രദേശത്തുള്ള കടലില്‍ നിയമം ലംഘിച്ച് മത്സ്യബന്ധനം നടത്തിയതിന് 18 പ്രവാസികള്‍ പിടിയില്‍ ആയിരുന്നു. അല്‍ വുസ്ത ഗവര്‍ണറേറ്റില്‍ വെച്ചാണ് ഇവര്‍ പിടിയിലായത്.
പിടിയിലായ പ്രവാസികളെ നാട് കടത്തുന്നതിനായുള്ള നടപടി ക്രമങ്ങള്‍ പൂര്‍ത്തിയാക്കാനായി സംയുക്ത പരിശോധക സംഘത്തിന് കൈമാറിയിരിക്കുകയാണെന്നും ഡയറക്ടറേറ്റ് ജനറല്‍ അറിയിച്ചു.