ഒമാനില്‍ ഔദ്യോഗിക അവധി ദിനങ്ങള്‍ പ്രഖ്യാപിച്ച് സുല്‍ത്താന്‍ ഹൈതം ബിന്‍ താരിക് അല്‍ സഈദിന്റെ രാജകീയ ഉത്തരവ്. സുല്‍ത്താന്‍ ഹൈതം ബിന്‍ താരിക് അധികാരമേറ്റ ജനുവരി 11 ഒമാനില്‍ ഔദ്യോഗിക പൊതുഅവധി ദിനമായി പ്രഖ്യാപിച്ചു.
മുഹര്‍റം ഒന്ന്, റബിഉല്‍ അവ്വല്‍ 12, ഇസ്റാഅ് മിഅ്റാജ് (റജബ് 27), ഒമാന്‍ ദേശീയ ദിനം (നവംബര്‍ 18 – 19), ചെറിയ പെരുന്നാള്‍ (റമസാന്‍ 29 – ശവ്വാല്‍ 3), ബലി പെരുന്നാള്‍ (ദുല്‍ ഹിജ്ജ 9 – ദുല്‍ ഹിജ്ജ 12) എന്നിവയാണ് മറ്റു പൊതു അവധി ദിനങ്ങള്‍.
സുല്‍ത്താന്‍ ഹൈതം ബിന്‍ താരിഖിന്റെ ഉത്തരവ് പ്രകാരം അവധി ദിനങ്ങള്‍
1. ഹിജ്‌റ പുതുവര്‍ഷാരംഭം (അറബി മാസമായ മുഹറം – 1)
2. നബി ദിനം (അറബി മാസം റബീഉല്‍ അവ്വല്‍ – 12)
3. ഇസ്റാഅ് മിഅ്റാജ് (അറബി മാസം റജബ് 27)
4. ദേശീയ ദിനം (നവംബര്‍ 18 – 19)
5. സുല്‍ത്താന്‍ രാജ്യത്തിന്റെ അധികാരമേറ്റെടുത്ത ദിവസം (ജനുവരി 11)
6. ചെറിയ പെരുന്നാള്‍ (റമദാന്‍ മാസം 29 മുതല്‍ ശവ്വാല്‍ മൂന്നാം തീയ്യതി വരെ)
7. ബലി പെരുന്നാള്‍ (അറബി മാസം ദുല്‍ഹജ്ജ് ഒന്‍പത് മുതല്‍ പന്ത്രണ്ട് വരെ)
പൊതു അവധി ദിനങ്ങള്‍ വാരാന്ത്യ അവധി ദിനങ്ങളിലാണ് വരുന്നതെങ്കില്‍ പകരം ഒരു ദിവസം അവധി നല്‍കും. രണ്ട് പെരുന്നാള്‍ ദിനങ്ങള്‍ വെള്ളിയാഴ്ചയായി വന്നാലും മറ്റൊരു ദിവസം അവധിയായി പരിഗണിക്കും.