ബഹ്റിനില്‍ എത്തിയ പയ്യോളി സ്വദേശിയ്ക്ക് കോവിഡ് സ്ഥിരീകരിച്ചു. ബഹ്റിനിലെ വിമാനത്താവളത്തില്‍ നടത്തിയ പരിശോധനയിലാണ് കോവിഡ് സ്ഥിരീകരിച്ചത്. ജൂണ്‍ രണ്ടിനാണ് പയ്യോളി സ്വദേശി ബഹ്റിനില്‍ എത്തിയത്.
വന്ദേഭാരത് മിഷന്റെ ഭാഗമായി ബഹ്റിനില്‍ നിന്ന് മലയാളികളുമായി കരിപ്പൂരിലെത്തിയ വിമാനത്തിലാണ് ഇയാള്‍ ബഹ്‌റിനിലെത്തിയത്.
പുറത്തു നിന്നുള്ളവര്‍ക്ക് ബഹ്റിനിലേക്ക് വരുന്നതില്‍ വിലക്കുണ്ടായിരുന്നില്ല. ബഹ്റിന്‍ വിമാനത്താവളത്തില്‍ നടത്തിയ പിസിആര്‍ ടെസ്റ്റിലാണ് രോഗം സ്ഥിരീകരിച്ചത്.
Read more
ഇതിന് പിന്നാലെ പയ്യോളിയില്‍ അതീവ ജാഗ്രതാനിര്‍ദേശം പുറപ്പെടുവിച്ചു. ഇദ്ദേഹത്തിന് രോഗം പകര്‍ന്നത് എവിടെ നിന്നാണെന്ന് വ്യക്തമല്ല. അതിനാല്‍ പയ്യോളിയില്‍ ജാഗ്രത കടുപ്പിക്കാന്‍ ആരോഗ്യ പ്രവര്‍ത്തകരുടെയും പോലിസ് ഉദ്യോഗസ്ഥരുടെയും നഗരസഭാ ഉദ്യോഗസ്ഥരുടെയും യോഗത്തില്‍ തീരുമാനിച്ചു.
