Connect with us
https://southlive.in/wp-content/uploads/2018/08/728-x-90-pix.jpg

SAUDI LIVE

സൗദിയില്‍ മലയാളി നഴ്സ് മരിച്ച നിലയില്‍; അസുഖ ബാധിതായ അമ്മയെ കാണാനായി അവധി നല്‍കാത്തതില്‍ മനംനൊന്ത് ജീവനൊടുക്കിയെന്ന് സംശയം

, 9:35 pm

സൗദി അല്‍ഹസ്സ ഹഫൂഫില്‍ നിന്നും 200 കിലോമീറ്റര്‍ അകലെയുള്ള ഹുറെസിലെ ഹെല്‍ത്ത്‌ സെന്റെറിലെ മലയാളി നഴ്സിനെ താമസസ്ഥലത്ത് ആത്മഹത്യ ചെയ്ത നിലയില്‍ കണ്ടെത്തി.
തിരുവനന്തപുരം പള്ളിക്കല്‍ പകല്ക്കുറി ആറയില്‍ പുന്നവിള വീട്ടില്‍ നീനയാണ്(27) ജീവനൊടുക്കി നിലയില്‍ കാണപ്പെട്ടത്.

മൂന്നു വര്‍ഷമായി അല്‍ഹസ്സയില്‍ ജോലി നോക്കുന്ന നീന കഴിഞ്ഞ മാസം 24 നാണ് അവധി കഴിഞ്ഞു നാട്ടില്‍ നിന്നും മടങ്ങി എത്തിയത്. ഇതിനിടെ വിവാഹനിശ്ചയം കഴിഞ്ഞിരുന്നു. അമ്മയ്ക്ക് പെട്ടെന്ന് സുഖമില്ലതായപ്പോള്‍ ഉടനെ പത്തു ദിവസത്തേയ്ക്ക് നാട്ടില്‍ പോകാന്‍ നീന അവധി ആവശ്യപ്പെട്ടിരുന്നുവെങ്കിലും ആശുപത്രി അധികാരികള്‍ അനുമതി നല്‍കിയില്ല. അതിന്റെ പേരില്‍ നീന ഏറെ മാനസികവിഷമത്തില്‍ ആയിരുന്നു. ഇതാണ് പെട്ടെന്ന് ആത്മഹത്യയിലേയ്ക്ക് നയിച്ചതെന്ന് സംശയിയ്ക്കുന്നു.

കശുവണ്ടി തൊഴിലാളിയായ നളിനിയാണ് മാതാവ്‌. ഏക സഹോദരന്‍ വിഷ്ണു. പിതാവ് തമ്പി നേരത്തെ ഇവരെ ഉപേക്ഷിച്ചു പോയിരുന്നു.

കിംഗ്‌ ഫഹദ് ആശുപത്രിയില്‍ സൂക്ഷിച്ചിരിയ്ക്കുന്ന മൃതദേഹം നാട്ടിലെത്തിയ്ക്കാന്‍ ശ്രമം നടക്കുകയാണ്.

Advertisement