Connect with us
https://southlive.in/wp-content/uploads/2018/08/728-x-90-pix.jpg

UAE LIVE

ഷാര്‍ജയില്‍ കോണ്‍ക്രീറ്റ് മിക്‌സറിനുള്ളില്‍ 22 പേര്‍: സംഭവത്തില്‍ ദുരൂഹത ആരോപിച്ച് അധികൃതര്‍

, 1:38 pm

അനധികൃത നുഴഞ്ഞുകയറ്റക്കാരായ 22 പേരെ കോണ്‍ക്രീറ്റ് മിക്‌സറില്‍ ഒളിപ്പിച്ചനിലയില്‍ കണ്ടെത്തിയ സംഭവത്തില്‍ ദുരൂഹത. സിമന്റ് കൂട്ടിക്കലര്‍ത്താനായി ഉപയോഗിക്കുന്നതാണ് കോണ്‍ക്രീറ്റ് മിക്‌സര്‍. 22 പേരെ ഒളിപ്പിച്ച കടത്താന്‍ ശ്രമിക്കുന്നതായി വിവരം കിട്ടിയതിനെ തുടര്‍ന്ന് കസ്റ്റംസ് അതോറിറ്റിയും ഷാര്‍ജ പോര്‍ട്ട് അതോറിറ്റിയും നടത്തിയ പരിശോധനയിലാണ് കോണ്‍ക്രീറ്റ് മിക്‌സറുമായി പോകുന്ന ട്രക്ക് പിടികൂടിയത്. ഷാര്‍ജ ചെക്ക് പോസ്റ്റില്‍ നിന്നാണ് ട്രക്ക് പിടിച്ചത്.

നുഴഞ്ഞുകയറ്റത്തിനുള്ള ശ്രമം നടക്കുന്നതായി വിവരം ലഭിച്ചതിനെ തുടര്‍ന്നാണ് തങ്ങള്‍ പരിശോധന നടത്തിയതെന്ന് ഫെഡറല്‍ കസ്റ്റംസ് അതോറിറ്റിയുടെ ചെയര്‍മാന്‍ കമ്മീഷണര്‍ അലി ബിന്‍ സുബൈ അല്‍ കാബി അറിയിച്ചു. കോണ്‍ക്രീറ്റ് മിക്‌സറിനുള്ളിലെ നുഴഞ്ഞുകയറ്റക്കാരെ കണ്ടെത്തുന്നതായി എക്‌സേറ പരിശോധന നടത്തി.

ഈ പരിശോധനയിലാണ് 22 പേരെ കോണ്‍ക്രീറ്റ് മിക്‌സറില്‍ ഒളിപ്പിച്ചതായി കണ്ടെത്തിയത്. ഇതില്‍ 21 പേര്‍ ഏഷ്യന്‍ വംശജരാണ്. ഒരാള്‍ ആഫ്രിക്കന്‍ വംശജയുമാണ്.

കോണ്‍ക്രീറ്റ് മിക്സറിനുള്ളിലുള്ള ആളുകളുടെ കൈയില്‍ ആയുധങ്ങള്‍ ഉണ്ടാകാന്‍ സാധ്യതയുണ്ടെന്നും അതിനാല്‍ ജാഗ്രതയോടെ വേണം സംഭവം കൈകാര്യം ചെയ്യാന്‍ എന്നും അധികൃതര്‍ക്ക് രഹസ്യവിവരം ലഭിച്ചിരുന്നു. ഇതിന്‍റെ അടിസ്ഥാനത്തില്‍ മുന്‍കരുതലോടെ ആയിരുന്നു അധികൃതരുടെ നീക്കങ്ങള്‍.

ഷാര്‍ജ ചെക്ക് പോസ്റ്റ് സുരക്ഷ മുന്‍ നിര്‍ത്തി അടച്ചിട്ട ശേഷമായിരുന്നു പൊലീസും കസ്റ്റംസും ചേര്‍ന്ന് തുടര്‍ നടപടികള്‍ സ്വീകരിച്ചത്. നുഴഞ്ഞുകയറ്റക്കാരെ ഓരോരുത്തരായി കോണ്‍ക്രീറ്റ് മിക്‌സറില്‍ നിന്നും പുറത്തറക്കിയ ശേഷം പൊലീസ് ഇവരെ ചോദ്യം ചെയ്തു വരികയാണ്. എന്തിനു വേണ്ടിയാണ് നുഴഞ്ഞുകയറ്റത്തിനു ഇവര്‍ ശ്രമച്ചതെന്ന് വ്യക്തമായിട്ടില്ല.

Advertisement