Connect with us
https://southlive.in/wp-content/uploads/2018/08/728-x-90-pix.jpg

UAE LIVE

അബുദാബി ക്ഷേത്രം: ശിലാസ്ഥാപനത്തിന് മുഖ്യകാര്‍മികത്വം വഹിച്ചത് മലയാളി

, 1:07 pm

അബുദാബിയില്‍ നിര്‍മിക്കുന്ന ആദ്യ ക്ഷേത്രത്തിന്റെ ശിലാസ്ഥാപന ചടങ്ങില്‍ മുഖ്യകാര്‍മികനായി മലയാളി. കാസര്‍കോട് സ്വദേശി ശങ്കര്‍ നാരായണന്‍ (38) ആയിരുന്നു ചടങ്ങിലെ മുഖ്യ കാര്‍മികന്‍. ശങ്കര്‍ നാരായണന്‍ കാസര്‍കോട് മല്ലികാര്‍ജുന ക്ഷേത്രം മുന്‍ മേല്‍ശാന്തിയായിരുന്നു. പ്രധാനമന്ത്രി നരേന്ദ്ര മോദിയാണ് ക്ഷേത്രത്തിന്റെ ശിലാസ്ഥാപനം നടത്തിയത്.

നാല് പേര്‍ ചേര്‍ന്നാണ് കര്‍മ്മം നടത്തിയത്. ഇതില്‍ ഏക മലയാളിയായിരുന്നു ശങ്കര്‍ നാരായണന്‍. സംഘത്തിലുള്ള മറ്റ് മൂന്നു പേര്‍ ഗുജറാത്ത് സ്വദേശികളാണ്.  മഹേഷ് റാവല്‍, അല്‍പേഷ് ജോഷി, ശൈലേഷ് മഹാരാജ് എന്നിവരാണ് കര്‍മ്മങ്ങളില്‍ ശങ്കര്‍ നാരായണനെ സഹായിച്ചത്. നിലവില്‍ മസ്‌കറ്റിലെ മോത്തീശ്വര്‍ മഹാദേവ ക്ഷേത്രത്തിലെ മേല്‍ശാന്തിയായി സേവനം അനുഷ്ഠിക്കുകയാണ് ശങ്കര്‍ നാരായണന്‍.

മോദിയുടെ യുഎഇ സന്ദര്‍ശന വേളയിലായിരുന്ന ക്ഷേത്രത്തിന്റെ ശിലാസ്ഥാപനം നടത്തിയത്. ദുബായിലെ ഒപേറ ഹൗസിലായിരുന്നു ചടങ്ങുകള്‍ നടത്തിയത്. ഡല്‍ഹിയിലെ അക്ഷര്‍ധാം ഉള്‍പ്പെടെ 1200ലേറെ പടുകൂറ്റന്‍ ക്ഷേത്രങ്ങള്‍ നിര്‍മിച്ച ബോചാസന്‍വാസി അക്ഷര്‍ പുരുഷോത്തം സന്‍സ്തയാണ് ക്ഷേത്രനിര്‍മാണത്തിന് നേതൃത്വം നല്‍കുക.

അബുദാബിയിലെ ആദ്യത്തെ ഹൈന്ദവ ക്ഷേത്രമായിരിക്കുമിത്. അബുദാബി, ദുബായ്, അലൈന്‍ എന്നീ എമിറേറ്റുകളിലുള്ളവര്‍ക്ക് എളുപ്പം എത്തിച്ചേരാന്‍ സാധിക്കുന്ന അല്‍റഹ്ബയിലാണ് ക്ഷേത്രനിര്‍മാണം. ക്ഷേത്ര നിര്‍മാണത്തിനായി 55,000 ചതുരശ്ര മീറ്റര്‍ ഭൂമിയാണ് അബുദാബി സര്‍ക്കാര്‍ നല്‍കിയത്. ഇത് ക്ഷേത്രത്തിന്റെ സ്വന്തം ഭൂമിയായി നിലനിര്‍ത്താം.

Advertisement