Connect with us
https://southlive.in/wp-content/uploads/2018/08/728-x-90-pix.jpg

UAE LIVE

പക തീര്‍ക്കാന്‍ ഒരു കാറിന് തീയിട്ടു; പത്ത് വാഹനങ്ങളിലേക്ക് കൂടി തീപടര്‍ന്നതോടെ പ്രതി വെട്ടിലായി

, 6:24 pm

പക തീര്‍ക്കാന്‍ കാറിന് തീയിട്ട വ്യക്തിക്ക് കിട്ടിയത് ഉഗ്രന്‍ പണി. ഒരു കാറിന് തീയിട്ട മടങ്ങിയ പ്രതിയെ കുരുക്കിയത് തുടര്‍ന്ന് നടന്ന സംഭവങ്ങളാണ്. തീ പടര്‍ന്ന് പത്ത് കാറുകള്‍ കൂടി നശിച്ചതോടെ സംഭവം പ്രതിയുടെ കൈവിട്ട് പോയി. ദുബായിലെ ഔട്ട്ലെറ്റ് മാളിന് പുറത്ത് പാര്‍ക്കിംഗ് സ്ഥലത്തായിരുന്നു സംഭവമുണ്ടായത്.

സംഭവം അന്വേഷിച്ച പൊലീസ് ആദ്യം വിചാരിച്ചത് ഒരു കാറില്‍ അപ്രതീക്ഷിതമായി തീ പിടുത്തമുണ്ടായതിനെ തുടര്‍ന്ന് തീപടര്‍ന്നതായിരിക്കുമെന്നാണ്. പക്ഷേ പരിസരത്ത് തീ പിടിക്കുന്നതിനുള്ള സാഹചര്യങ്ങളില്ലെന്ന് പൊലീസ് കണ്ടെത്തിയത് സംഭവത്തില്‍ നിര്‍ണായകമായി.

ഇതോടെ ആരെങ്കിലും മനപ്പൂര്‍വ്വം തീയിട്ടിരിക്കുന്നതായിരിക്കുമെന്ന് പൊലീസിന് സംശയം തോന്നി. പിന്നീട് പൊലീസ് നടത്തിയ അന്വേഷണത്തിലാണ് പ്രതി വലയിലായത്. മാളിലെ വേറെ ഒരു കാറിന്റെ ഡ്രൈവറാണ് പ്രതിയെന്ന് പൊലീസ് അറിയിച്ചു. തലേ ദിവസം പ്രതിയും തീപിടിച്ച കാറിലെ ഡ്രൈവറും തമ്മില്‍ വാക്കു തര്‍ക്കമുണ്ടായിരുന്നു.

ഇതിനെ തുടര്‍ന്നുണ്ടായ പകയാണ് പ്രതിയെ കൃത്യം നടത്താന്‍ പ്രേരിപ്പിച്ചത്. ഒരു കാറിനു മാത്രം തീയിട്ട് ശേഷം രക്ഷപ്പെടാമെന്ന് വിചാരിച്ച പ്രതിക്ക് മറ്റു വാഹനങ്ങളിലേക്ക് തീപടര്‍ന്നത് കെണിയായി മാറി.

പ്രതി തീയിട്ട് കാറിന് കുറച്ച് അകലെ മാറി പാര്‍ക്ക് ചെയ്ത വാഹനങ്ങളിലേക്കാണ് തീ പടര്‍ന്നത്. പ്രതിയുടെ കൈക്കും തീയിട്ടപ്പോള്‍ പൊള്ളലേറ്റിരുന്നു. ഇത് പ്രതിയെ പിടികൂടുന്നതിന് പൊലീസിന് സഹായകരമായി.

Advertisement