Connect with us
https://southlive.in/wp-content/uploads/2018/08/728-x-90-pix.jpg

UAE LIVE

യുഎഇയില്‍ കനത്ത പൊടിക്കാറ്റ്;  ജാഗ്രതാ നിര്‍ദേശവുമായി കാലാവസ്ഥാ വിഭാഗം

, 9:21 pm

യുഎഇയില്‍ കനത്ത പൊടിക്കാറ്റ് വീശുന്നു. ഇന്ന് രാവിലെ മുതലാണ് രാജ്യത്ത് ഇന്ന് രാവിലെ മുതലാണ് പൊടിക്കാറ്റ് ശക്തമായ തോതില്‍ വീശാന്‍ തുടങ്ങിയത്. ഇതോടെ കാലാവസ്ഥാ നിരീക്ഷണ വിഭാഗം കടലില്‍ പോകുന്നവര്‍ക്കും വാഹനങ്ങള്‍ ഓടിക്കുന്നവര്‍ക്കും ജാഗ്രതാ നിര്‍ദേശം നല്‍കി. ദൂരക്കാഴ്ച ദുഷ്‌കരമാകുന്ന സാഹചര്യത്തില്‍ വാഹനങ്ങള്‍ ഓടിക്കുന്നവര്‍ ജാഗ്രത പാലിക്കണമെന്നാണ് നിര്‍ദേശം.

ശക്തമായി പൊടിക്കാറ്റ് വീശുന്ന സാഹചര്യത്തില്‍ 2000 മീറ്ററിന് താഴെയായിരിക്കും ദൂരക്കാഴ്ചയെന്ന് കാലാവസ്ഥാ വിഭാഗം അറിയിച്ചിരിക്കുന്നത്. പൊടിക്കാറ്റ് നീണ്ടു നില്‍ക്കാനാണ് സാധ്യത.

പല സ്ഥലങ്ങളിലും ഇനിയുള്ള ദിവസങ്ങളില്‍ 45 ഡിഗ്രിയോളം അന്തരീക്ഷ ഊഷ്മാവ് വര്‍ധിച്ചേക്കും. 45.4 ഡിഗ്രി സെല്‍ഷ്യസ് വരെയായിരുന്നു അല്‍ ബറഖയില്‍ കഴിഞ്ഞ ദിവസത്തെ താപനിലയെന്നും റിപ്പോര്‍ട്ടുകളുണ്ട്.

Advertisement