Connect with us
https://southlive.in/wp-content/uploads/2018/08/728-x-90-pix.jpg

UAE LIVE

അബുദാബിയുടെ ഹൃദയതുടിപ്പായി അരനൂറ്റാണ്ട്, മലയാളി ഡോക്ടര്‍ക്കു ഏറ്റവും വലിയ സിവിലിയന്‍ പുരസ്‌കാരം നല്‍കി യുഎഇ

, 1:48 pm

ചരിത്രം തിരുത്തിയ മലയാളി ഡോക്ടറുടെ സേവനത്തിനു സ്‌നേഹം നല്‍കി ആദരിച്ച് യുഎഇ. അബുദാബിയുടെ ഹൃദയതുടിപ്പായി 51 വര്‍ഷമായി സേവനം അനുഷ്ഠിക്കുന്ന ഡോ. ജോര്‍ജ് മാത്യുവിനെയാണ് ഏറ്റവും വലിയ സിവിലിയന്‍ പുരസ്‌കാരം നല്‍കി അബുദാബി ആദരിച്ചത്. ഇതാദ്യമായിട്ടാണ് ഒരു ഇന്ത്യക്കാരനു ഇത്തരം ഒരു പുരസ്‌കാരം ലഭിക്കുന്നത്.

നിറസ്വപന്ങ്ങളുമായി കടല്‍കടന്നെത്തിയ മലയാളി ഡോക്ടറെ സ്‌നേഹിച്ച് കൂടെ നിര്‍ത്തിയത് അബുദാബി രാജകുടുംബമായിരുന്നു. ഡോക്ടറുടെ പ്രതിഭ മനസിലാക്കിയ യുഎഇ രാഷ്ട്രപിതാവ് ഷെയ്ഖ് സായിദ് ബിന്‍ സുല്‍ത്താന്‍ അല്‍ നഹ്യാന്‍ അദ്ദേഹവുമായി സവിശേഷമായ വ്യക്തിബന്ധം സ്ഥാപിച്ചു.

എന്തു വിഷയത്തിലും ഡോക്ടര്‍ക്ക് ധൈര്യം പൂര്‍വം സമീപിക്കാവുന്ന വ്യക്തിയായിരുന്നു ഷെയ്ഖ് സായിദ് ബിന്‍ സുല്‍ത്താന്‍ അല്‍ നഹ്യാന്‍. അദ്ദേഹം അന്തരിച്ചിട്ടും ആ വ്യക്തിബന്ധം തുടര്‍ന്ന് കാത്തുസൂക്ഷിക്കുകയാണ് രാജകുടുംബം.

യുഎഇ പരാധീനതകളുടെ നടുവില്‍ നില്‍ക്കുന്ന 1967 മേയ് 13 നാണ് ഡോ. ജോര്‍ജ് മാത്യു അബൂദാബിയിലെത്തുന്നത്. നല്ല റോഡുകളില്ല, ജലസേചന പദ്ധതികള്‍ പോലും കാര്യക്ഷമായിട്ടില്ല, വൈദ്യുതിയുമില്ല കഷ്ടത നിറഞ്ഞ രാജ്യം പുരോഗതിയുടെ പടവുകള്‍ കീഴടക്കുമ്പോള്‍ ഒരു ജനതയുടെ ആരോഗ്യത്തിനു കാവലാളായി ഡോ. ജോര്‍ജ് മാത്യു ഉണ്ടായിരുന്നു. ഡോക്ടറുടെ പ്രവര്‍ത്തനങ്ങളെക്കുറിച്ച് മനസിലാക്കിയ രാജകുടുംബം അല്‍ഐനില്‍ ആരോഗ്യ ഡിപാര്‍ട്‌മെന്റിന്റെ ചുമതല നല്‍കി. അബുദാബിയുടെ ആരോഗ്യ രംഗത്തെ പുത്തന്‍ മുന്നേറ്റത്തിനു ഇതു കാരണമായി മാറി.

വര്‍ഷങ്ങള്‍ക്ക് ശേഷം അല്‍ഐന്‍ ലോകത്തിലെ തന്നെ ഏറ്റവും മികച്ച ചികില്‍സാസംവിധാനങ്ങളുള്ള നഗരമായി തലയുര്‍ത്തി നില്‍ക്കുന്നതിന് പിന്നില്‍ ഡോ. ജോര്‍ജ് മാത്യുവിന്റെ പങ്ക് നിസ്തുലമാണ്. അല്‍ഐന്‍ ഡിസ്ട്രിക്ടിന്റെ മെഡിക്കല്‍ ഡയറക്ടര്‍ എന്ന നിലയില്‍ 34 വര്‍ഷം അദ്ദേഹം നല്‍കിയ സേവനത്തെ ഏറെ ആദരപൂര്‍വമാണ് യുഎഇ കാണുന്നത്. സേവന മികവ് പരിഗണിച്ച് മലയാളി ഡോക്ടറെ 2004ല്‍ പൗരത്വം നല്‍കി 2004ല്‍ ഷെയ്ഖ് സായിദ് ആദരിച്ചിരുന്നു.

അപൂര്‍വമായി മാത്രം വിദേശികള്‍ക്ക് പൗരത്വം നല്‍കുന്ന യുഎഇയില്‍ പ്രതിഭ കൊണ്ട് മാത്രം ഇടം നേടിയ തിരുവനന്തപുരം മെഡിക്കല്‍ കോളജിലെ പഴയ എംബിബിഎസുകാരന്‍ ഇന്ന് അബുദാബി രാജകുടുംബത്തിന്റെ ഡോക്ടറാണ്. ഇംഗ്ലണ്ടില്‍ നിന്നും തുടര്‍പഠനം നടത്തിയ ഡോക്ടറുടെ ഭാര്യ തിരുവല്ല കാവുംഭാഗം കാഞ്ഞിരക്കാട്ട് വല്‍സയാണ്

Advertisement