Connect with us

US NEWS

ഡോണള്‍ഡ് ട്രംപുമായുള്ള ബന്ധം വെളിപ്പെടുത്താതിരിക്കാനായി നല്‍കിയ തുക തിരിച്ചു തരാമെന്ന് പോണ്‍ താരം

, 10:30 am

അമേരിക്കന്‍ പ്രസിഡന്റ് ഡോണള്‍ഡ് ട്രംപുമായുള്ള ബന്ധം വെളിപ്പെടുത്താതിരിക്കാനായി നല്‍കിയ തുക തിരിച്ചു തരാമെന്ന് പോണ്‍ താരം. സ്റ്റോമി ഡാനിയലാണ് ട്രംപുമായുള്ള ബന്ധം പുറത്ത് പറയാതിരിക്കുന്നതിന് കരാര്‍ ഉണ്ടാക്കി പണം വാങ്ങിയത്. തിരെഞ്ഞടുപ്പ് കാലത്തെ ഈ കരാര്‍ പ്രകാരം 1.3 കോടി ഡോളറാണ് ട്രംപ് സ്റ്റോമി ഡാനിയലിനു നല്‍കിയത്. ഈ തുക തിരിച്ചു നല്‍കുന്നതിനാണ് അറ്റോര്‍ണി മുഖേന നടി സന്നദ്ധത അറിയിച്ചിരിക്കുന്നത്.

തുക നല്‍കിയാല്‍ സ്വഭാവികമായി കരാര്‍ റദ്ദാക്കപ്പെടും. പിന്നീട് പോണ്‍ താരത്തിനു ട്രംപായുള്ള ബന്ധം തെളിയിക്കുന്നതിനുള്ള രേഖകള്‍ പുറത്തു വിടുന്നതിന് സാധിക്കും. സ്റ്റോമി ഡാനിയലയുടെ കൈവശമുള്ള വീഡിയോകള്‍, ഫോട്ടോകള്‍, ടെക്സ്റ്റ് മെസേജുകള്‍ തുടങ്ങിയവ രഹസ്യമായി സൂക്ഷിക്കാനാണ് കരാറില്‍ ഉണ്ടാക്കിയിരുന്നത്. കരാര്‍ റദ്ദാക്കി ഇവ പുറത്തു വിടാനാണ് പോണ്‍ താരത്തിന്റെ ശ്രമമെന്നാണ് റിപ്പോര്‍ട്ടുകള്‍.

2016ല്‍ തിരഞ്ഞെടുപ്പ് പ്രചാരണം കത്തിനില്‍ക്കുന്ന സമയത്ത് ട്രംപുമായി ലൈംഗീകബന്ധമുണ്ടെന്ന് ആരോപിച്ച് സ്റ്റോമി ഡാനിയല്‍ രംഗത്തെത്തിയിരുന്നു. എ.ബി.സി ചാനലിനു ഇതുസംബന്ധിച്ച കാര്യങ്ങള്‍ സ്റ്റോമി വെളിപ്പെടുത്താന്‍ ഒരുങ്ങിയപ്പോള്‍ ട്രംപ് രഹസ്യങ്ങള്‍ പുറത്തുവിടരുതെന്ന് ചൂണ്ടിക്കാട്ടി സ്റ്റോമിയുമായി ട്രംപ് കരാറിലേര്‍പ്പെടുകയായിരുന്നു. ഇത് പുറത്ത് വിട്ടാല്‍ പൊതുസമൂഹത്തില്‍ ട്രംപിനെതിരെ ജനവികാരമുണരുമെന്നും ഇത് തിരഞ്ഞെടുപ്പിനെ ബാധിക്കുമെന്നും മനസിലാക്കിയായിരുന്നു അങ്ങനെയൊരു നടപടിയെന്നാണ് വാദം.

സ്റ്റെഫാനി ക്ലിഫോര്‍ഡാണ് സ്റ്റോമി ഡാനിയലെ എന്ന പേരിലും അറിയപ്പെടുന്നത്. 2006 ലാണ് ട്രംപ് ഒരു ഗോള്‍ഫ് മത്സരത്തിനിടെ സ്റ്റെഫാനി ക്ലിഫോര്‍ഡിനെ കാണുന്നത്. മെലാനുമായുള്ള വിവാഹം കഴിഞ്ഞതിന് ശേഷമാണിത്. തുടര്‍ന്ന് 2016ല്‍ തിരഞ്ഞെടുപ്പ് അടുത്തപ്പോള്‍ ട്രംപുമായുള്ള ബന്ധത്തെക്കുറിച്ച് ‘എബിസി ന്യൂസി’നോടു സംസാരിക്കാന്‍ സ്റ്റെഫാനി തയാറായി. ഇതിനുപിന്നാലെയാണ് തിരഞ്ഞെടുപ്പിന് ഒരു മാസം മാത്രം ശേഷിക്കെ പണം നല്‍കി സംഭവം ഒത്തുതീര്‍പ്പാക്കിയത്. ട്രംപിന്റെ അഭിഭാഷകന്‍ മിഷേല്‍ കോഹെനാണ് സ്റ്റെഫാനിയുടെ അഭിഭാഷകന്‍ കെയ്ത് ഡേവിഡ്സണ്‍ വഴി പണം കൈമാറിയത്. ഇതിനു മുമ്പും പോണ്‍ നടി ജെസീക്ക ഡ്രാക്കെയടക്കം ഒട്ടേറെ സ്ത്രീകള്‍ ട്രംപിനെതിരെ ലൈംഗിക ആരോപണമായി രംഗത്ത് വന്നിട്ടുണ്ട്.