മുംബൈ ക്രിക്കറ്റ് ടെസ്റ്റില്‍ ഒരു ഇന്നിംഗ്‌സില്‍ പത്തു വിക്കറ്റുമായി ചരിത്രം കുറിച്ച അജാസ് പട്ടേലിനെ നേരിട്ട നിമിഷത്തെ കുറിച്ച് പറഞ്ഞ് വാലറ്റക്കാരനായ ഇന്ത്യന്‍ പേസര്‍ മുഹമ്മദ് സിറാജ്. അജാസിന്റെ നേട്ടം തടയാന്‍ തനിക്ക് പദ്ധതിയുണ്ടായിരുന്നതായി സിറാജ് പറഞ്ഞു.
അജാസ് നന്നായി എറിഞ്ഞതിനാല്‍ എനിക്ക് ചെറിയ സമ്മര്‍ദ്ദമുണ്ടായിരുന്നു. അജാസ് ബോള്‍ ചെയ്ത രീതി അസാധാരണമായിരുന്നു. അതിനാല്‍ അജാസിനുമേല്‍ കൂടുതല്‍ സമ്മര്‍ദ്ദം ചെലുത്താനായിരുന്നു പദ്ധതി. പക്ഷേ നിര്‍ഭാഗ്യവശാല്‍ ഞാന്‍ ഔട്ടായി- സിറാജ് പറഞ്ഞു.
മുംബൈ ടെസ്റ്റില്‍ സിറാജിനെ പുറത്താക്കിയാണ് അജാസ് പട്ടേല്‍ ഇന്നിംഗ്‌സില്‍ പത്ത് വിക്കറ്റെന്ന ഐതിഹാസിക നേട്ടം പൂര്‍ത്തീകരിച്ചത്. ജിം ലേക്കറിനും അനില്‍ കുംബ്ലെയ്ക്കുശേഷം ഒരു ഇന്നിംഗ്‌സില്‍ പത്തുപേരെ പുറത്താക്കുന്ന ബോളറായും അജാസ് അതോടെ മാറി.