ക്രിക്കറ്റ് ലോകത്തിലെ എക്കാലത്തെയും മികച്ച സ്പിന്നറാണ് ശ്രീലങ്കൻ ഇതിഹാസമായ മുത്തയ്യ മുരളീധരന്‍. അദ്ദേഹത്തിന്റെ ദൂസരയ്ക്ക് മുന്നിൽ അടിയറവ് വെക്കാത്ത ബാറ്റസ്മാൻമാർ ഇല്ല എന്ന് തന്നെ പറയാം. സച്ചിൻ ടെണ്ടുൽക്കറിന്റെയും, ബ്രയാൻ ലാറയുടെയും വിക്കറ്റുകൾ എടുക്കുന്നത് ഹരമാക്കിയ താരമാണ് മുരളീധരൻ. എന്നാൽ അദ്ദേഹം ഏറ്റവും കൂടുതൽ ഭയപ്പെട്ടിരുന്ന ഏക ബാറ്റ്സ്മാനെ വെളിപ്പെടുത്തിയിരിക്കുകയാണ് താരം.
മുത്തയ്യ മുരളീധരന്‍ പറയുന്നത് ഇങ്ങനെ:
“സെവാഗിനെതിരെ ബോൾ ചെയ്യുമ്പോൾ ഞാൻ ഭയപ്പെട്ടിരുന്നു. എറിയുന്ന ബോളർ ആരാണെന്നോ അല്ലെങ്കിൽ വിക്കറ്റുകൾ നഷ്ടമാകുമോ എന്ന ഭയം അദ്ദേഹത്തിനില്ല. ആക്രമിച്ച് കളിക്കുന്ന സ്വഭാവം ഉള്ള താരമാണ് അദ്ദേഹം. സെവാഗ് ഫോമിൽ എത്തുന്ന ദിവസം അദ്ദേഹത്തെ പിടിച്ച് നിർത്താൻ പ്രയാസമാണ്. അധികം താരങ്ങൾക്ക് ഇല്ലാത്ത ഗുണമാണ് അത്” മുത്തയ്യ മുരളീധരന്‍ പറഞ്ഞു.
2011 ഇലെ ഗ്രൂപ്പ് ഘട്ടത്തിൽ ഇന്ത്യയ്ക്ക് മികച്ച തുടക്കം നൽകിയ താരമാണ് വിരേന്ദർ സെവാഗ്. എന്നാൽ ഫൈനൽ മത്സരത്തിൽ അദ്ദേഹത്തിന് ഗംഭീരമായി തുടക്കം നൽകാൻ സാധിച്ചില്ല. ലസിത് മലിംഗയുടെ ബോളിൽ അദ്ദേഹം എൽബിഡബ്ലിയു ആയി പുറത്തായി. പക്ഷെ ഇന്ത്യയെ ഫൈനൽ വരെ എത്തിച്ചത് വിരേന്ദർ സെവാഗിന്റെ മികച്ച പ്രകടനം കൊണ്ടും കൂടിയാണ്.