ഐപിഎലിൽ രാജസ്ഥാൻ റോയൽസിന്റെ ക്യാപ്റ്റനാണ് മലയാളി താരം സഞ്ജു സാംസൺ. 2021 മുതലാണ് സഞ്ജു രാജസ്ഥാനെ നയിക്കാൻ ആരംഭിച്ചത്. ടീമിനെ മികച്ച രീതിയിൽ തന്നെ ആണ് സഞ്ജു ക്യാപ്റ്റനായി നയിക്കുന്നത്. ക്യാപ്റ്റനായി മികച്ച തന്ത്രങ്ങൾ പയറ്റിയാണ് അദ്ദേഹം ടീമിനെ മിക്ക സീസണുകളിലും സെമി ഫൈനൽ, ഫൈനലുകളിലേക്ക് എത്തിക്കുന്നത്. ടീമിൽ താരത്തിനുണ്ടായ വിഷമകരമായ ഒരു കാര്യമാണ് ഇപ്പോൾ വാർത്ത വിഷയം.
2022 ഐപിഎൽ സീസണിൽ രാജസ്ഥാൻ റോയൽസിന്റെ ടീം ബസിൽ വെച്ച് സഞ്ജുവിന്റെ ചിത്രം അനുവാദം ഇല്ലാതെ എടുത്തിരുന്നു. കുറെ ഫിൽറ്ററുകൾ ഇടുകയും, നീല തലപ്പാവും, കറുത്ത ഗ്ലാസും, കമ്മലും എല്ലാം ഇട്ടിരുന്നു. ആ ചിത്രം റോയൽസ് സമൂഹ മാധ്യമങ്ങളിൽ പങ്ക് വെക്കുകയും ചെയ്യ്തു. ഇത് സഞ്ജുവിന് ഇഷ്ടമായില്ല. അദ്ദേഹത്തെ ഒരു കോമാളിയായിട്ട് ചിത്രീകരിച്ചു. അതിൽ താരം പ്രതികരിക്കുകയും ചെയ്യ്തു.
സഞ്ജു സാംസൺ പറഞ്ഞത് ഇങ്ങനെ:
“ഇത് സുഹൃത്തുക്കൾ ചെയ്തതാണെങ്കിൽ സാരമില്ല എന്ന് വെക്കാം. പക്ഷെ ടീം പ്രൊഫഷണൽ ആകണം” ഇതാണ് സഞ്ജു പറഞ്ഞത്.
ഇത് പറഞ്ഞതിന് ശേഷം താരം അപ്പോൾ തന്നെ ടീമിനെ അൺഫോളോ ചെയ്യ്തു. ഇത് അന്ന് വലിയ ചർച്ചയാവുകയും ചെയ്യ്തു. ഇൻസ്റ്റയിൽ നിന്നും അപ്പോൾ തന്നെ സഞ്ജുവിന്റെ ആ ചിത്രം റോയൽസ് ഡിലീറ്റ് ആക്കി. സീസണിന്റെ തുടക്കം ഈ വിവാദം ടീമിന് ക്ഷീണമായെങ്കിലും പിന്നീട് അവര്‍ക്കു അഭിമാനിക്കാന്‍ വക നല്‍കിയ സീസണിലായി 2022ലേതു മാറി. സീസണിലുടനീളം ഉജ്ജ്വല ഫോമില്‍ കളിച്ച റോയല്‍സ് ഫൈനലിലേക്കും കുതിച്ചിരുന്നു.