പാകിസ്ഥാൻ ക്രിക്കറ്റ് ടീമും അതിൻ്റെ കളിക്കാരും വിവാദങ്ങളിൽ പെടാനുള്ള വഴികൾ തേടുകയാണ്. അവരുടെ T20 ലോകകപ്പ് 2024 കാമ്പെയ്ൻ ആരംഭിക്കുന്നതിന് തൊട്ടുമുമ്പ്, പാകിസ്ഥാൻ ടീം യുണൈറ്റഡ് സ്റ്റേറ്റ്‌സ് ഓഫ് അമേരിക്കയിൽ ഒരു ‘സ്വകാര്യ അത്താഴം’ സംഘടിപ്പിച്ചതായി പറയപ്പെടുന്നു, അവിടെ അവർ ആരാധകരെ ‘മീറ്റ് ആൻഡ് ഗ്രീറ്റിനായി’ ക്ഷണിച്ചു.
എന്നിരുന്നാലും, ഇത് സൗജന്യമോ ചാരിറ്റിക്ക് വേണ്ടിയോ ആയിരുന്നില്ല. ‘സ്വകാര്യ അത്താഴത്തിന്’ 25 യുഎസ് ഡോളർ പ്രവേശന ഫീസ് ഉണ്ടായിരുന്നു. ഇത് പാകിസ്ഥാൻ ക്രിക്കറ്റ് ആരാധകർ പലരെയും ചൊടിപ്പിച്ചു. പാകിസ്ഥാൻ ക്രിക്കറ്റ് ബോർഡും കളിക്കാരും സംഘടിപ്പിച്ച ഈ വിരുന്നും അതിനെ ചൊല്ലിയുള്ള വിവാദങ്ങളെക്കുറിച്ച് സംസാരിച്ചിരിക്കുകയാണ് റാഷിദ് ലത്തീഫ്.
“സോഷ്യൽ മീഡിയയിൽ ലത്തീഫ് പങ്കുവച്ച ഒരു വീഡിയോ പ്രകാരം, സ്വകാര്യ അത്താഴ വേളയിൽ 25 ഡോളർ ഫീസ് നൽകിയാൽ ആരാധകർക്ക് പാകിസ്ഥാൻ കളിക്കാരെ കാണാൻ അനുവദിച്ചിരുന്നു. “ഔദ്യോഗിക അത്താഴമല്ല, പക്ഷേ ഇത് ഒരു സ്വകാര്യ അത്താഴമാണ്. ആർക്കാണ് ഇത് ചെയ്യാൻ കഴിയുക? ഇത് ഭയങ്കരമാണ്. അതിനർത്ഥം ആരാധകർ താരങ്ങളെ കാണാൻ 25 ഡോളർ മുടക്കി എന്നാണ്. ” ലത്തീഫ് വീഡിയോയിൽ പറഞ്ഞു.
ആർക്കെങ്കിലും സഹായം ചെയ്യാൻ നടത്തിയ പരിപാടി അല്ല. എന്നിട്ടും പ്രൈവറ്റ് പരിപാടിക്ക് ഇത്ര ഉയർന്ന നിരക്ക് ഈടാക്കുക എന്നൊക്കെ പറഞ്ഞാൽ അത് മോശം ആണെന്നാണ് ആരാധകർ പറയുന്നത്. എന്തായാലും ഇവന്മാർ വഴിയേ പോയ അടി മേടിച്ച് കൂട്ടുക ആണോ എന്നാണ് ക്രിക്കറ്റ് പ്രേമികളും ചോദിക്കുന്നത്.