ക്രിക്കറ്റിലെ എക്കാലത്തെയും മികച്ച അഞ്ച് ബാറ്റ്‌സ്മാൻമാരെ തിരഞ്ഞെടുത്തിരിക്കുകയാണ് മുൻ സൗത്ത് ആഫ്രിക്കൻ ഇതിഹാസം എ ബി ഡിവില്ലിയേഴ്‌സ്. തന്റെ യുട്യൂബ് ചാനലിൽ സംസാരിക്കവെയാണ് താരം ഏകദിനത്തിലെ ടോപ്പ് ഫൈവ് ബാറ്റ്‌സ്മാൻമാരെ തിരഞ്ഞെടുത്തത്. എന്നാൽ ഇന്ത്യൻ ആരാധകർക്ക് ഒരേ സമയം സന്തോഷവും, നിരാശയും തോന്നുന്ന ലിസ്റ്റാണ് താരം പുറത്ത് വിട്ടത്.
മുൻ ഇന്ത്യൻ ക്യാപ്റ്റനും, ലോകകപ്പ് ജേതാവുമായ എം എസ് ധോണിയെയാണ് ഡിവില്ലിയേഴ്‌സ് ആദ്യം തിരഞ്ഞെടുത്തിരിക്കുന്നത്. നിലവിൽ ഇപ്പോൾ നടക്കാൻ പോകുന്ന ഐപിഎലിലും അദ്ദേഹം ചെന്നൈ സൂപ്പർ കിങ്സിന്റെ ഭാഗമാണ്. രണ്ടാമതായി ഡിവില്യേഴ്‌സ് തിരഞ്ഞെടുത്തത് സാക്ഷാൽ സച്ചിൻ ടെണ്ടുൽക്കറിനെയാണ്. മൂന്നാമതായി സ്റ്റാർ ബാറ്റർ വിരാട് കോഹ്ലിയാണ് ഇടം പിടിച്ചിരിക്കുന്നത്.
നാലാമതായി ഓസ്‌ട്രേലിയൻ ഇതിഹാസം റിക്കി പോണ്ടിങിനും, അവസാനം മുൻ സൗത്ത് ആഫ്രിക്കൻ ഓള്‍റൗണ്ടര്‍ ജാക്വസ് കാലിസ് എന്നിവരാണ് താരം തിരഞ്ഞെടുത്ത ടോപ്പ് ഫൈവ് ബാറ്റ്‌സ്മാന്മാർ. എന്നാൽ ഇന്ത്യൻ ആരാധകർക്ക് നിരാശയായി ക്യാപ്റ്റൻ രോഹിത് ശർമ്മയുടെ പേര് അദ്ദേഹം ഉൾപ്പെടുത്തിയിട്ടില്ല.
ആവേശകരമായ ക്രിക്കറ്റ് മാമാങ്കത്തിനാണ് ആരാധകർ സാക്ഷിയാകാൻ പോകുന്നത്. 25 വർഷങ്ങൾക്ക് ശേഷം ഇന്ത്യയും ന്യുസിലാൻഡും ഒരു ഐസിസി ടൂർണമെന്റിന്റെ ഫൈനലിൽ ഏറ്റുമുട്ടുന്നു. സെമി ഫൈനലിൽ ഓസ്ട്രേലിയയെയും സൗത്ത് ആഫിക്കയെയും പരാജയപ്പെടുത്തിയാണ് ഇരു ടീമുകളും ഫൈനലിലേക്കുള്ള ടിക്കറ്റ് സ്വന്തമാക്കിയത്. മാർച്ച് 9 ന് ദുബായി ഇന്റർനാഷണൽ സ്റ്റേഡിയത്തിൽ വെച്ചാണ് ഫൈനൽ മത്സരം നടക്കുക.
