ഏഷ്യാ കപ്പില്‍ ഇന്ത്യയ്‌ക്കെതിരായ സൂപ്പര്‍ ഫോര്‍ മത്സരത്തിനിടെ പരിക്കേറ്റ പാകിസ്ഥാന് പേസര്‍ നസീം ഷായ്ക്ക് ഏകദിന ലോകകപ്പ് നഷ്ടമായേക്കും. നസീമിന്റെ ഫിറ്റ്‌നസില്‍ ആശങ്ക പങ്കപവെച്ച ക്യാപ്റ്റന്‍ ബാബര്‍ അസം ലോകകപ്പിന്റെ ആദ്യ ഭാഗം എന്തായാലും താരത്തിന് നഷ്ടമാകുമെന്ന് വ്യക്തമാക്കി.
നസീമിന്റെ കാര്യത്തില്‍ ഇപ്പോഴും ഉറപ്പു പറയാറായിട്ടില്ല. ലോകകപ്പിന്റെ തുടക്കത്തില്‍ നസീം ഉണ്ടാകില്ല. ടൂര്‍ണമെന്റ് പകുതിയാകുമ്പോഴേക്കും നസീം ടീമിനൊപ്പം ചേരുമെന്നാണ് പ്രതീക്ഷ- ബാബര്‍ പറഞ്ഞു.
പരിക്കിനെ തുടര്‍ന്ന് നസീം ഷാ, ഹാരിസ് റൗഫ് തുടങ്ങിയ താരങ്ങള്‍ക്ക് ഏഷ്യാകപ്പിലെ അവസാന മത്സരങ്ങള്‍ നഷ്ടമായിരുന്നു. ഇത് പാക് ടീമിന് കനത്ത തിരിച്ചടിയാണ് ഏഷ്യാ കപ്പില്‍ സമ്മാനിച്ചത്. ഇന്ത്യയ്‌ക്കെതിരായ മത്സരത്തിന് പിന്നാലെ ലങ്കയ്‌ക്കെതിരായ മത്സരവും തോറ്റ പാകിസ്ഥാന് ഫൈനല്‍ കാണാതെ പുറത്തായി.
Read more
ഏഷ്യാ കപ്പില്‍ കിരീടം നേടാന്‍ ഇന്ത്യയെക്കാള്‍ കൂടുതല്‍ സാധ്യത കല്‍പ്പിച്ചിരുന്ന ടീമായിരുന്നു പാകിസ്ഥാന്. കഴിഞ്ഞ രണ്ട് മാസമായി ശ്രീലങ്കയില്‍ കളിക്കുന്ന പാകിസ്ഥാന് സാഹചര്യങ്ങളുമായി പൊരുത്തപ്പെടാന്‍ കൂടുതല്‍ സമയവും ലഭിച്ചിരുന്നു. എന്നാല്‍ ഇന്ത്യയോട് ഏറ്റ 223 റണ്‍സ് തോല്‍വി പാക് നിരയെ മാനസികമായി തകര്‍ത്തുകളഞ്ഞു.
