ഈ വർഷം മാർച്ചിൽ പരിക്കേറ്റ ഇംഗ്ലണ്ട് ഫാസ്റ്റ് ബൗളർ മാർക്ക് വുഡ്, മടങ്ങിവന്നെങ്കിലും ഇപ്പോളത്തെ വീണ്ടും പരിക്കേറ്റിരിക്കുകയാണ്. താരത്തിന് അടിയന്തരമായി മറ്റൊരു ശസ്ത്രക്രിയ കൂടി വേണമെന്നാണ് ഇപ്പോൾ പുറത്ത് വരുന്ന റിപോർട്ടുകൾ.
വെസ്റ്റ് ഇൻഡീസ് പര്യടനത്തിനിടെ പരിക്കേറ്റതിന് ശേഷം, 32 കാരനായ പേസർ ഐ‌പി‌എൽ 2022 നഷ്‌ടപ്പെടുത്തി, അവിടെ അദ്ദേഹം ലഖ്‌നൗ സൂപ്പർ ജയന്റ്‌സിനെ പ്രതിനിധീകരിക്കേണ്ടതായിരുന്നു, അടുത്ത കാലം വരെ പുറത്ത് നിന്ന താരം മടങ്ങിയെത്തിയപ്പോഴേക്കും അടുത്ത പരിക്ക് ചതിച്ചു,
കഴിഞ്ഞ ദിവസം നടന്ന ഫിറ്റ്നസ് ടെസ്റ്റിൽ പരാജയപെട്ടതോടെയാണ് ശാസ്ത്രിക്രിയക്ക് ഒരുങ്ങാൻ താരം തീരുമാനിച്ചത്.
“ ഞാൻ പാടുപെടുകയാണ്. നിർഭാഗ്യവശാൽ എനിക്ക് മറ്റൊരു ഓപ്പറേഷൻ ആവശ്യമാണ്. ആഷിംഗ്ടണിന് വേണ്ടി ഞാൻ ആ ക്ലബ് ക്രിക്കറ്റ് ഗെയിം കളിച്ചു, അത് അടിസ്ഥാനപരമായി ഒരു പരീക്ഷണമായിരുന്നു. ഇസിബി എന്നെ ആ ഗെയിം കളിക്കാൻ പ്രേരിപ്പിച്ചു, പക്ഷെ എനിക്ക് ഒന്നും ചെയ്യാൻ സാധിച്ചില്ല. ”ചൊവ്വാഴ്‌ച ദക്ഷിണാഫ്രിക്കയ്‌ക്കെതിരായ ഇംഗ്ലണ്ടിന്റെ ആദ്യ ഏകദിനത്തിന്റെ സംപ്രേക്ഷണത്തിനിടെ വുഡ് സ്കൈ സ്‌പോർട്‌സിനോട് പറഞ്ഞു.
