ശ്രീലങ്കൻ ടീമിന് വലിയ തിരിച്ചടിയായി, എക്സ്പ്രസ് പേസർ ദുഷ്മന്ത ചമീര 2022 ലെ ടി20 ലോകകപ്പിൽ നിന്ന് പുറത്താക്കി. ഓസ്‌ട്രേലിയയുടെ അതിവേഗ ട്രാക്കുകളിൽ ചമീര തിളങ്ങാൻ നല്ല സാധ്യത ഉള്ളതിനാൽ തന്നെ താരം ഇല്ലാതെ ഇറങ്ങുന്നത് വലിയ നഷ്ടമാണ്.
യുണൈറ്റഡ് അറബ് എമിറേറ്റ്‌സിനെതിരെ (യുഎഇ) ഇന്നലെ നടന്ന മത്സരത്തിൽ മൂന്ന് വിക്കറ്റ് വീഴ്ത്തിയ ചമീര മികച്ച പ്രകടനം പുറത്തെടുത്തത് ആയിരുന്നു, പക്ഷേ കാലിന് പരിക്കേറ്റതിനെ തുടർന്ന് നാല് ഓവർ ക്വാട്ട പൂർത്തിയാക്കാൻ അദ്ദേഹത്തിന് കഴിഞ്ഞില്ല. ചമീര മാത്രമല്ല, ധനുഷ്‌ക ഗുണതിലക, പ്രമോദ് മധുഷൻ എന്നിവരെക്കുറിച്ചും ആശങ്കയുണ്ട്, കാരണം ഇരുവരും ഹാംസ്ട്രിംഗ് പരിക്കുകളുടെ സ്‌കാനിംഗിന് പോകേണ്ടതുണ്ട്.
അതേസമയം, ചൊവ്വാഴ്ച നടന്ന രണ്ടാം ഗ്രൂപ്പ് ഘട്ട ഏറ്റുമുട്ടലിൽ യുഎഇക്കെതിരെ ശ്രീലങ്ക തകർപ്പൻ ജയം പൂർത്തിയാക്കി. എന്നിരുന്നാലും, ശ്രീലങ്കയുടെ ബാറ്റിംഗ് ഇപ്പോഴും ആശങ്കാജനകമാണ്, കാരണം പാത്തും നിസ്സാങ്ക, കുസൽ മെൻഡിസ്, ധനഞ്ജയ ഡി സിൽവ എന്നിവരുൾപ്പെടെ മുൻനിര ബാറ്റ്‌സ്മാൻമാർക്ക് മാത്രമാണ് യുഎഇയ്‌ക്കെതിരായ മുൻ മത്സരത്തിൽ രണ്ടക്ക മാർക്ക് കടക്കാൻ കഴിഞ്ഞത്.