ബോളിംഗ് ലോകത്ത് ഫാസ്റ്റ് ബൗളറുമാർ വിപ്ലവം തീർത്ത ഒരു കാലത്ത് ലെഗ് സ്പിൻ എന്ന കലയെ തന്റെ മാന്ത്രിക വടി കൊണ്ട് തേച്ചുമിനിക്കി ഇതിഹാസ താരമായി മാറിയ താരമാണ് ഷെയിൻ വോൺ. ഇന്ത്യന്‍ ഉപഭൂഖണ്ഡത്തിലെ ചത്ത പിച്ചുകളില്‍ മാത്രം ഫലം കണ്ടിരുന്ന സ്പിന്‍ ബൌളിങ്ങിനെ ഓസ്ട്രേലിയയിലെയും ഇംഗ്ലണ്ടിലെയും വേഗമേറിയ പിച്ചുകളിലും വിജയമാക്കി മാറ്റിയതോടെ വോണ്‍ സ്പിന്‍ മാന്ത്രികന്‍ എന്ന പേരും സ്വന്തമാക്കി.
ഏറ്റവും മോശം ടീം എന്ന നിലയിലെത്തി പ്രഥമ പ്രീമിയർ ലീഗ് സീസണിൽ കിരീടവുമായി മടങ്ങിയ ഷെയിനും കുട്ടികളും കാണിച്ച ഹീറോയിസം പ്രീമിയർ ലീഗിൽ തന്നെ ആരും കാണിച്ചിട്ടില്ല. ഇപ്പോഴിതാ ഷെയ്ൻ വോണുമായുള്ള അടുപ്പത്തെക്കുറിച്ച് തുറന്നുപറയുകയാണ് രാജസ്ഥാൻ റോയൽസ് ക്യാപ്റ്റൻ സഞ്ജു സാംസൺ. വിരമിച്ച ശേഷം മെന്റർ ദൗത്യം ഏറ്റെടുത്ത് വോൺ രാജസ്ഥാനിലേക്കു മടങ്ങിയെത്തിയതോടെ അന്ന് തീരെ ചെറുപ്പമായ സഞ്ജു ഷെയിൻ വോണുമായി സൗഹൃദത്തിലാകുന്നത്.
‘ഷെയ്ൻ വോണെക്കുറിച്ചുള്ള എല്ലാ ഓർമകളും എപ്പോഴും മനസ്സിലുണ്ടാകും. ഓരോ ദിവസവും അദ്ദേഹം ജീവിച്ചത് എങ്ങനെയാണ് എന്ന കാര്യം ഞങ്ങളെ എല്ലാം ആശ്ചര്യപ്പെടുത്തിയിരുന്നു. അദ്ദേഹത്തൊടൊപ്പം ഒരു മണിക്കൂർ മാത്രമേ ചെലവഴിച്ചിട്ടുള്ളു എങ്കിലും അത് ജീവിതകാലം മുഴുവൻ നിങ്ങൾക്കു പ്രയോജനപ്പെടും. ഒരു രാജാവിനെപ്പോലെയാണ് അദ്ദേഹം ജീവിച്ചത്.
അദ്ദേഹത്തെ നേരിടണമെന്ന് പണ്ട് മുതലേ വലിയ ആഗ്രഹം ആയിരുന്നു. നേരത്തെ ഷെയിൻ വിരമിച്ചാൽ അത് സാധിച്ചിരുന്നില്ല. രാജസ്ഥാൻ മെന്ററായി അദ്ദേഹം മടങ്ങിയെത്തിയപ്പോൾ, നെറ്റ്സിൽ എനിക്ക് ഏതാനും ബോളുകൾ എറിഞ്ഞു തരാമോ എന്നു ഞാൻ അദ്ദേഹത്തോടു ചോദിച്ചു. എന്തു ചോദ്യമാണ് സുഹൃത്തേ എന്ന് എന്നോടു തിരിച്ചു ചോദിച്ചതിനു ശേഷം അദ്ദേഹം എനിക്കു പന്തെറിഞ്ഞു നൽകി. വോണിനൊപ്പം ഏറ്റവും മികച്ച ഓർമകളാണു ഞങ്ങൾക്കുള്ളത്’