തന്റെ മുന്നില്‍ വെച്ച് സിംബാബ്വെ.. സിംബാബ്വെ.. വിളി നടത്തിയ ആരാധകരോട് പൊട്ടിത്തെറിച്ച് ബാബര്‍ അസം. പിഎസ്എല്‍ 2024ലെ പെഷവാര്‍ സാല്‍മിയും മുളത്താന്‍ സുല്‍ത്താന്‍സും തമ്മിലുള്ള മത്സരത്തിനിടെയാണ് ബാബറിനെ പരിഹസിച്ച് ആരാധകര്‍ മുദ്രാവാക്യം മുഴക്കിയത്. സിംബാബ്വെ പോലുള്ള ടീമുകള്‍ക്കെതിരെ മാത്രം പ്രകടനം നടത്തി ഹീറോയാകുന്ന താരമെന്ന് ചീത്തപ്പേര് താരത്തിനുണ്ട്.
ബാബര്‍ ഡഗൗട്ടില്‍ ഇരിക്കവെയാണ് ആരാധകര്‍ ‘സിംബാബ്വെ, സിംബാബ്വെ’… എന്ന് വിളിച്ച് ആരാധകര്‍ താരത്തെ കളിയാക്കിയത്. അരിശംപൂണ്ട് ബാബര്‍ അസം ആരാധകരോട് അടുത്തേക്ക് വരാന്‍ ആംഗ്യം കാണിക്കുന്നതും കുപ്പി വലിച്ചെറിയുമെന്ന് മുന്നറിയിപ്പ് കൊടുക്കുന്നതും വീഡിയോയിലുണ്ട്. ഈ ദൃശ്യം സോഷ്യല്‍ മീഡിയയില്‍ വൈറലായിട്ടുണ്ട്.
This is really unacceptable, Never expected this from Multan fans.. 🤦♂️ pic.twitter.com/MgZWQlO8oR
— Nibraz Ramzan (@nibraz88cricket) February 24, 2024
പാകിസ്ഥാന്‍ ക്രിക്കറ്റിലെ നിലവിലെ ഏറ്റവും മികച്ച ബാറ്ററായിട്ടും സിംബാബ്വെ മര്‍ദകന്‍ എന്നാണ് ബാബറിനെ ആരാധകര്‍ കളിയാക്കി വിളിക്കുന്നത്. സിംബാബ്വെക്കെതിരെ ഏകദിനത്തിലും ടി20യിലും മികച്ച റെക്കോഡാണ് താരത്തിനുള്ളത്. സിംബാബ്വെയോട് 9 ഏകദിനത്തില്‍ 459 റണ്‍സും 7 ടി20കളില്‍ 232 റണ്‍സും ബാബറിനുണ്ട്.
Read more
പാകിസ്ഥാന്‍ സൂപ്പര്‍ ലീഗില്‍ പെഷാവര്‍ സാല്‍മിയുടെ നായകനാണ് ബാബര്‍ അസം. മൂന്ന് കളിയില്‍ രണ്ട് തോല്‍വിയുമായി മോശം തുടക്കമാണ് ടീമിന് ലഭിച്ചിരിക്കുന്നത്.
